داريعا نازاربايەۆا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ توراعاسىمەن كەزدەستى

None
None
نۇر-سۇلتان. قازاقپارات - پارلامەنت سەناتىنىڭ ءتوراعاسى داريعا نازاربايەۆا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ (ە ق ى ۇ) قازىرگى ءتوراعاسى، سلوۆاكيانىڭ سىرتقى جانە ەۋروپالىق ىستەر ءمينيسترى ميروسلاۆ لايچاكپەن كەزدەستى.

بۇل تۋرالى ق ر پارلامەنتى سەناتىنىڭ باسپا ءسوز قىزمەتى حابارلادى.

د. نازاربايەۆا سلوۆاكيانى ە ق ى ۇ- عا ءتوراعالىق ەتۋىنىڭ باستالۋىمەن قۇتتىقتاپ، قازاقستان كۇردەلى حالىقارالىق جاعدايدا جۇزەگە اسىپ جاتقان سلوۆاك ميسسياسىنىڭ باسىمدىقتارىن قولدايتىنىن اتاپ ءوتتى.

«سىزدەردىڭ ءتوراعالىق ەتۋلەرىڭىزدەگى قاقتىعىستاردىڭ الدىن الۋ، پريەۆەنتيۆتى ديپلوماتيا، مۋلتيلاتەراليزم باسىمدىقتارى قازاقستان تاۋەلسىزدىك العان كەزدەن باستاپ ۇستاناتىن سىرتقى ساياسي باعىتتارىمەن دالمە- ءدال ۇندەسىپ وتىر»، - دەدى سەنات ءتوراعاسى.

اڭگىمە بارىسىندا ە ق ى ۇ- نىڭ بىتىمگەرلىك الەۋەتىن نىعايتۋعا باسا نازار اۋدارىلدى.

م. لايچاك ۇيىمنىڭ قارۋلى قاقتىعىستار ايماقتارىنداعى شيەلەنىستى ازايتۋ جانە كەلىسسوز ۇدەرىستەرىن دامىتۋعا ارناعان كۇش- جىگەرى تۋرالى ايتتى.

د. نازاربايەۆا اۋعانستانداعى احۋالدىڭ ورىستەۋىنە بايلانىستى الاڭداۋشىلىق ءبىلدىردى جانە ە ق ى ۇ-عا وسى ءوڭىردى نازاردان تىس قالدىرماۋعا شاقىردى.

م. لايچاك قازاقستاننىڭ الەمدىك ساياساتتاعى ءرولىن جوعارى باعالادى.

«قازاقستان - ورتالىق ازياداعى نەگىزگى مەملەكەت، بۇل ەل ە ق ى ۇ- نىڭ باسىمدىقتارىن جاقسى بىلەدى. ۇيىمنىڭ وسى ءجۇزجىلدىقتا جالعىز ءسامميتى ءدال وسى جەردە ءوتتى. سامميتتە قابىلدانعان استانا دەكلاراتسياسى قازىرگى ۋاقىتقا دەيىن ماڭىزىن جويعان جوق»، - دەدى ە ق ى ۇ ءتوراعاسى.

ول سونداي-اق سيرياداعى جاعدايدى رەتتەۋ جونىندەگى قازاقستان استاناسىنداعى كەلىسسوزدەردىڭ ماڭىزدى ءرولىن اتاپ ءوتتى.

«استانا كەلىسسوزدەرى سيريالىق رەتتەۋلەرگە زور ۇلەس قوستى، ال جەنيەۆا پروتسەستەرى تىعىرىققا تىرەلگەن بولاتىن»، - دەدى م. لايچاك.

سەنات ءتوراعاسى ءوز كەزەگىندە استانا دەكلاراتسياسىنا قاتىسۋشىلاردىڭ ءبىرتۇتاس ءارى ورتاق ەۋرو- اتلانتيكالىق جانە ەۋرازيالىق قاۋىپسىزدىك قوعامداستىعىن قالىپتاستىرۋ جونىندەگى وزدەرىنە العان مىندەتتەمەلەرىن ىسكە اسىرۋ ماقساتىندا بىرلەسكەن كۇش-جىگەردى جالعاستىرۋ قاجەت دەگەن پىكىرىن ءبىلدىردى.

ونىڭ پىكىرىنشە، استانا دەكلاراتسياسىن جۇزەگە اسىرۋ جونىندەگى ءىس-قيمىل جوسپارىن قابىلداۋ تۋرالى بۇرىن قول جەتكەن ۋاعدالاستىقتى ىسكە اسىرۋ قاجەت.

جۇزدەسۋشىلەر ە ق ى ۇ پارلامەنتتىك ولشەمدەرىن نىعايتۋدىڭ كەلەشەگىن تالقىلادى.

د. نازاربايەۆانىڭ ايتۋىنشا، قازاقستاندىق دەلەگاتسيا ءاردايىم بەلسەندىلىك تانىتىپ وتىرعان ە ق ى ۇ پارلامەنتتىك اسسامبلەياسى ونىڭ قاتىسۋشىلارى اراسىنداعى ءۇنقاتىسۋدى نىعايتۋعا جانە سەنىمدى قالپىنا كەلتىرۋگە ارنالعان ماڭىزدى الاڭ بولىپ تابىلادى.

سەنات ءتوراعاسى سونداي-اق وتكەن جىلى قازاقستاننىڭ تۇڭعىش پرەزيدەنتى - ەلباسى ن. ءا. نازاربايەۆتىڭ 2020 -جىلى 1975 -جىلعى حەلسينكي قورىتىندى اكتىسىنىڭ 45 جىلدىعىنا ارنالعان قاۋىپسىزدىك جانە ىنتىماقتاستىق جونىندەگى حالىقارالىق كونفەرەنسياسىن وتكىزۋ، سونداي- اق ەۋرازيا كەڭىستىگىندە كەشەندى قاۋىپسىزدىكتى قامتاماسىز ەتۋ ماسەلەلەرىن تالقىلاۋ ءۇشىن ە ق ى ۇ، ا و س ش ك جانە ا س ە ا ن وڭىرلىك فورۋمى حاتشىلىقتارىنىڭ بىرلەسكەن كەزدەسۋىن ۇيىمداستىرۋ تۋرالى باستامالارىنا توقتالدى.

د. نازاربايەۆانىڭ پىكىرىنشە، سلوۆاك ءتوراعالىعىنىڭ باسىمدىقتارىنا سايكەس كەلەتىن وسى باستامالاردى ىسكە اسىرۋ ە ق ى ۇ- نى جاڭا دەڭگەيگە شىعارۋى ىقتيمال.

  

سوڭعى جاڭالىقتار