داريعا نازاربايەۆا سەناتتىڭ بيۋرو وتىرىسىن وتكىزدى
سەناتورلار حالىقارالىق ءۇش قۇجاتتى: قازاقستان مەن ق ح ر ۇكىمەتتەرى اراسىنداعى قىتاي حالىق رەسپۋبليكاسىنىڭ جەڭىلدىكتى كرەديت بەرۋى تۋرالى نەگىزدەمەلىك كەلىسىمدى؛ 1995 -جىلعى 23 - جەلتوقسانداعى قازاقستان رەسپۋبليكاسى مەن رەسەي فەدەراتسياسى اراسىنداعى بايقوڭىر قالاسىنىڭ مارتەبەسى جانە ونداعى اتقارۋشى وكىمەت ورگاندارىن قۇرۋدىڭ ءتارتىبى مەن ولاردىڭ مارتەبەسى تۋرالى كەلىسىمگە وزگەرىس ەنگىزۋ تۋرالى حاتتامانى؛ قازاقستان مەن تاجىكستان ۇكىمەتتەرى اراسىنداعى وتەۋسىز اسكەري- تەحنيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى زاڭ جوبالارىن قارايتىن بولدى. سەناتورلار نازارىنا سونداي- اق «قازاقستان رەسپۋبليكاسىنىڭ كەيبىر زاڭنامالىق اكتىلەرىنە قازاقستان رەسپۋبليكاسى ورتالىق جانە (نەمەسە) جەرگىلىكتى اتقارۋشى ورگاندارىنىڭ فۋنكتسيالارىن باسەكەلەس ورتاعا بەرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارى ۇسىنىلاتىن بولدى.
بيۋرودا ماجىلىستەن تۇسكەن زاڭ جوبالارى پالاتا كوميتەتتەرىنە ءبولىنىپ بەرىلدى. حالىقارالىق قاتىناستار، قورعانىس جانە قاۋىپسىزدىك كوميتەتى «كاسپي تەڭىزىندە توسىن وقيعالاردى بولعىزباۋ تۋرالى كەلىسىمدى راتيفيكاتسيالاۋ تۋرالى» جانە «قازاقستان رەسپۋبليكاسى مەن رەسەي فەدەراتسياسى اراسىنداعى 2013 -جىلعى 24 - جەلتوقسانداعى قازاقستان رەسپۋبليكاسى مەن رەسەي فەدەراتسياسى اراسىنداعى اسكەري- تەحنيكالىق ىنتىماقتاستىق تۋرالى شارت شەڭبەرىندە بەرىلەتىن اسكەري ماقساتتاعى ءونىمنىڭ بولۋىن جانە نىسانالى پايدالانىلۋىن باقىلاۋدى جۇزەگە اسىرۋ ءتارتىبى تۋرالى كەلىسىمدى راتيفيكاتسيالاۋ تۋرالى» زاڭ جوبالارى بويىنشا باس كوميتەت بولىپ بەلگىلەندى.
