ا ق ش پەن قىتاي «ساۋدا سوعىسى» مارەسىنە جاقىن - الەمدىك باسپا سوزگە شولۋ

None
None
نۇر-سۇلتان. قازاقپارات - «قازاقپارات» ح ا ا ادەتتەگىدەي وقىرمان نازارىنا الەمدىك اقپارات كوزدەرىنە شولۋىن ۇسىنادى.

ناتونىڭ الەۋەتى السىرەپ كەتتى - The Times

The Times باسىلىمىنىڭ جازۋىنشا، وسى اپتادا ۆاشينگتوندا ناتو ۇيىمىنىڭ جەتپىس جىلدىق مەرەيتويىنا ۇكىمەت باسشىلارىنىڭ قاتىسپاۋى ۇيىم الەۋەتىنىڭ السىرەپ، بەدەلىنىڭ تومەندەپ كەتكەنىن كورسەتەدى.

«بيىل ناتو مەرەيتويىنا 28 مەملەكەتتىڭ سىرتقى ىستەر مينيسترلەرى قاتىسادى. دەگەنمەن، ۇيىم بەدەلىن قۇتقارۋ ءۇشىن سيمۆوليكالىق شارالار ازدىق ەتەدى. سايلاۋالدى باعدارلاماسىندا دونالد ترامپ ناتونى ەسكىرگەن ۇيىم دەپ اتاعان بولاتىن. ۇيىم ەندى قاي جاعىنان بولسىن ماڭىزى بار ەكەنىن دالەلدەۋى كەرەك»، دەپ جازادى باسىلىم.

ەر ادامدار نەگە از ءومىر سۇرەدى - Der Spiegel


Ерлер әйелдерге қараÒ

دۇنيەجۇزىلىك دەنساۋلىق ساقتاۋ ۇيىمى جىل سايىن ادامداردىڭ ءومىر ءسۇرۋ ۇزاقتىعىن زەرتتەيدى. بيىل ۇيىمنىڭ ستاتيستيكاسى ەرلەر مەن ايەلدەردىڭ ءومىر ءسۇرۋ ۇزاقتىعىنىڭ نە سەبەپتى ءارتۇرلى بولاتىنىنا ارنالعان. Der Spiegel جۋرنالىنىڭ جازۋىنشا، دۇنيەجۇزىلىك دەنساۋلىق ساقتاۋ ۇيىمى 2019-جىلى الەم بويىنشا 141 ميلليون بالا دۇنيەگە كەلەتىنىن ايتقان.

«بيىل 73 ميلليون ۇل بالا، 68 ميلليون قىز بالا دۇنيەگە كەلەدى دەپ بولجانىپ وتىر»، دەپ جازادى اۆتور. ونىڭ جازۋىنشا، بۇكىل الەم بويىنشا ءومىر ءسۇرۋ ۇزاقتىعى ارتىپ كەلەدى.

«بيىل دۇنيەگە كەلگەن ۇلدار ورتاشا ەسەپپەن 70 جىل، قىزدار 74 جىل ءومىر سۇرەدى. بۇل 2000-جىلمەن سالىستىرعاندا، بەس جىلعا كوپ»، دەي كەلە اۆتور ەرلەر مەن ايەلدەردىڭ ءومىر ءسۇرۋ جاسىنىڭ ايىرماشىلىقتارىنا توقتالعان.

«ەر ادامداردىڭ ايەلدەرگە قاراعاندا از ءومىر سۇرۋىنە جۇرەك اۋرۋلارى، جول كولىك اپاتتارى، وكپە اۋرۋى كوپ اسەر ەتەدى. سونداي-اق، بۇنى گەنەتيكامەن دە تۇسىندىرۋگە بولادى. عالىمداردىڭ ايتۋىنشا، X- حروموسوماسى يممۋندى جۇيەنىڭ مىقتى بولۋىنا اسەر ەتەدى. سول سەبەپتى ايەلدەر ەرلەرگە قاراعاندا ۇزاعىراق ءومىر سۇرەدى»، دەپ جازادى باسىلىم.

جوعارى ءبىلىمى بار ايەلدەردىڭ كوبى ۇيدەن جۇمىس ىستەيدى - Daily Mail

Ерлер әйелдерге қараÒ


عالىمدار جۇرگىزگەن جاڭا زەرتتەۋ ناتيجەلەرى كورسەتكەندەي، بالا كۇتىمىنە بايلانىستى دەمالىستان شىققان ايەلدەردىڭ كوبى جۇمىسقا قايتا ورالاتىن ءبىر جىلدىڭ ىشىندە ەكىنشى رەت دەكرەتتىك دەمالىسقا كەتەدى جانە سودان كەيىن ۇيدە وتىرىپ قاشىقتان جۇمىس ىستەۋگە كوشەدى. Daily Mail باسىلىمىنىڭ جازۋىنشا، ينتەرنەتتى جان-جاقتى پايدالانا الاتىن جانە تەحنولوگيانى مەڭگەرگەن ايەلدەردىڭ كوبى ۇيدە وتىرىپ جۇمىس ىستەيدى.

«جوعارى ءبىلىمى بار ايەلدەردىڭ كوبى تەحنولوگيانىڭ ارتىشىلىقتارىن پايدالانىپ، ۇيدە وتىرىپ جۇمىس ىستەۋگە كوشەدى. سول ارقىلى ولار جۇمىس پەن جەكە ءومىر بالانسىن ساقتاپ تۇرادى»، دەپ جازادى باسىلىم. اۆتوردىڭ ايتۋىنشا، ميلانداعى بوككوني ۋنيۆەرسيتەتى جۇرگىزگەن زەرتتەۋگە 12 مىڭ ءۇي شارۋاسىنداعى ايەل مەن گەرمانيانىڭ 20 مىڭ تۇرعىنى قاتىسقان.

قانتتى كوپ تۇتىناتىن ادام ءجيى شارشايدى - Neuroscience Biobehavioral Reviews

Ерлер әйелдерге қараÒ

حالىق اراسىندا كۇش جيناۋ ءۇشىن ءتاتتى جەۋ كەرەك دەگەن پىكىر بار. دەگەنمەن، گەرمانيا مەن  ۇلى بريتانيا عالىمدارىنىڭ ايتۋىنشا، قانت كەرىسىنشە ادامنىڭ ءجيى شارشاۋىنا الىپ كەلەدى ەكەن. زەرتتەۋ ناتيجەلەرى Neuroscience Biobehavioral Reviews باسىلىمىندا جاريالاندى.

«قانت ادامنىڭ كوڭىل كۇيىن كوتەرە الادى دەگەن يدەيا ءتاتتى ونىمدەردى تۇتىنۋ كورسەتكىشىنىڭ ارتۋىنا الىپ كەلدى. حالىق شارشاعانىن باسۋ ءۇشىن ءتاتتى ونىمدەرگە جۇگىنە باستادى»، دەيدى بەرليندەگى ۋمبولدت ۋنيۆەرسيتەتىنىڭ پسيحولوگى كونستانتينوس مانتانتزيس.

ماقالادا ايتىلعانداي، عالىمدار قانتقا قاتىستى جۇرگىزىلگەن وتىز ءبىر زەرتتەۋ جۇمىسىن ساراپتاعان. مامانداردىڭ ايتۋىنشا، قانت شارشاعاندى باسادى دەگەن پىكىردىڭ ەش نەگىزى جوق. ءتىپتى، ول ادامداردى ودان سايىن شارشاتۋى مۇمكىن.

«بۇل زەرتتەۋ قانت تۋرالى ميفتى جويىپ، قانتتى تۇتىنۋ كورسەتكىشىن ازايتۋدا قوعامدىق دەنساۋلىق ساقتاۋ ساياساتىنا اسەر ەتە الادى دەپ ويلايمىز»، دەيدى زەرتتەۋ اۆتورلارى.

ا ق ش پەن قىتاي «ساۋدا سوعىسى» مارەسىنە جاقىن - ВВС


Ерлер әйелдерге қараÒ

ا ق ش پەن قىتاي اراسىنداعى «ساۋدا سوعىسى» ەكى مەملەكەت ورتاق مامىلەگە كەلگەن سوڭ اياقتالۋى مۇمكىن. ВВС باسىلىمىنىڭ جازۋىنشا، دونالد ترامپ قىتايمەن ساۋدا بايلانىسى بويىنشا كەيبىر ماسەلەلەردە كەلىسىمگە كەلگەن. ا ق ش پرەزيدەنتى ماسەلە الداعى ءتورت اپتادا شەشىلەتىنىن ايتقان.

شينحۋا اگەنتتىگىنىڭ حابارلاۋىنشا، قىتاي پرەزيدەنتى شي جينپيڭ دە ماسەلەنىڭ العا جىلجىپ جاتقانىن ايتقان.

«ا ق ش پەن قىتاي بۇكىل الەمنىڭ ەكونوميكاسىنا كەرى اسەرىن تيگىزىپ جاتقان ساۋدا سوعىسىن توقتاتۋ ماقساتىندا جەلتوقسان ايىنان باستاپ كەلىسسوزدەر جۇرگىزىپ كەلەدى. دونالد ترامپ ا ق ش پەن قىتايدىڭ ەڭ قيىن ماسەلەلەر بويىنشا كەلىسىمگە كەلگەنىن، ءبىراق ءالى دە شەشىلمەگەن سۇراقتار بار ەكەنىن ايتتى»، دەپ جازادى باسىلىم. اۆتوردىڭ ايتۋىنشا، ا ق ش پرەزيدەنتى كەلىسىم جاسالسا قىتاي باسشىسىمەن سامميت وتكىزەتىنىن ايتقان.

دۇرىس تاماقتانباۋ ولىمگە الىپ كەلەدى - CNN

Ерлер әйелдерге қараÒ


بۇكىل الەم بويىنشا ەڭ كوپ ولىمگە تەمەكى مەن قان قىسىمى سەبەپ بولاتىن ەدى. CNN باسىلىمىنىڭ جازۋىنشا، بۇگىندە ولاردىڭ ورنىن دۇرىس تاماقتانباۋ باسۋى مۇمكىن.

«ۆاشينگتون ۋنيۆەرسيتەتى ماماندارىنىڭ ايتۋىنشا، كوپتەگەن مەملەكەتتەردە تەمەكى مەن قان قىسىمىنان ەمەس، دۇرىس تاماقتانباعاندىقتان كوز جۇمىپ جاتقاندار قاتارى ارتىپ كەلەدى»، دەپ جازادى باسىلىم. اۆتوردىڭ ايتۋىنشا، بۇعان ادامداردىڭ گازدى سۋدى نەمەسە قىزىل ەتتى كوپ تۇتىنۋى ەمەس، تۇزدىڭ كوپ بولۋى اسەر ەتىپ جاتىر.

«پايدالى تاعامدى از تۇتىنۋ دەنساۋلىققا قاۋىپتى»، دەيدى اۆتور.

زەرتتەۋدە ايتىلعانداي، 2017-جىلى الەمدەگى ءار بەسىنشى ءولىم، ياعني 11 ميلليون ادامنىڭ ءولىمى تۇزدى كوپ مولشەردە تۇتىنۋ جانە جەمىس-جيدەك سەكىلدى پايدالى ءونىمدى از تۇتىنۋ سالدارىنان بولعان.

سوڭعى جاڭالىقتار