ا ق ش الماتىدا جاڭا كونسۋلدىق تۇرعىزادى

 نۇر- سۇلتان. قازاقپارات - الماتىدا ا ق ش كونسۋلدىعىنىڭ جاڭا عيماراتى سالىنادى. بۇل تۋرالى ا ق ش- تىڭ قازاقستانداعى ەلشىسى ۋيليام موزەر مالىمدەدى، دەپ حابارلايدى قازاقپارات ءتىلشىسى.

«كەلەسى اپتادا الماتى قالاسىنىڭ اكىمىمەن كەزدەسەمىن. سەبەبى ءبىزدىڭ جاڭا كونسۋلدىق تۇرعىزساق دەگەن نيەتىمىز بار. بۇل ءبىز ءۇشىن وتە ماڭىزدى، سەبەبى قىزمەتكەرلەرىمىزدىڭ قاۋىپسىزدىگى، ونىڭ ىشىندە جەرگىلىكتى قىزمەتكەرلەر دە بار - ەلشىنىڭ باستى مىندەتى. قۇرىلىستىڭ ۋاقىتى جەر تەلىمىنە قاتىستى كەلىسسوزدى بەكىتۋگە تىكەلەي بايلانىستى» ، - دەدى ەلشى قازاقستاندىق جۋرناليستەرمەن كەزدەسۋدە.

ونىڭ ايتۋىنشا، جاڭا عيمارات قۇرىلىسى ۆاشينگتونداعى پروتسەدۋرالارعا بايلانىستى، ءۇش جىلعا سوزىلۋى مۇمكىن. الماتىداعى ا ق ش كونسۋلدىعى ەكى كەڭسەدە ورنالاسقان. ال بولەك عيماراتتىڭ بولۋى امەريكالىق زاڭناما تالاپتارىندا كورسەتىلگەن.

«الماتىدا ەكى كەڭسەمىز بار. بىرىنشىدەن، جەر سىلكىنىسى بولعان جاعدايدا، قاۋىپسىزدىكپەن قامتاماسىز ەتە المايمىز. جالپى، بىزگە ارتىلعان ناقتى قاۋىپسىزدىك ەرەجەلەرى بار، ءبىراق ءوز عيماراتىمىز بولماعاندىقتان، بۇل تالاپتاردى ساقتاي الماي وتىرمىز. ماسەلەن، سىرتقى قاقپا مەن ەلشىلىكتىڭ اراسى 30 مەتر بولۋى كەرەك. بۇل - اقش كونگرەسىنىڭ تالابى» ، - دەپ اتاپ ءوتتى ۋ. موزەر.