ق ر پرەزيدەنتى «روسكوسموس» باسشىسىن قابىلدادى

None
None
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ عارىش قىزمەتى جونىندەگى «روسكوسموس» مەملەكەتتىك كورپوراتسياسىنىڭ باس ديرەكتورى دميتري روگوزيندى قابىلدادى، دەپ حابارلايدى قازاقپارات اقورداعا سىلتەمە جاساپ.

قازاقستان پرەزيدەنتى رەسەي فەدەراتسياسىمەن عارىش سالاسىنداعى، سونىڭ ىشىندە «بايقوڭىر» عارىش ايلاعىنىڭ قىزمەتى جونىندەگى ىنتىماقتاستىقتىڭ ماڭىزدىلىعىن اتاپ ءوتتى.

- كەشە عانا مەن رەسەي فەدەراتسياسىنا ساپارمەن بارىپ كەلدىم. ساپار تابىستى بولدى دەپ باعالايمىن. رەسەي فەدەراتسياسىنىڭ پرەزيدەنتى ۆلاديمير پۋتينمەن ماڭىزدى كەلىسسوزدەر وتكىزىلدى. سونىڭ ىشىندە ءسىز جەتەكشىلىك ەتەتىن سالا جونىندە دە اڭگىمەلەستىك. قازىر ءتيىستى جوبالار ەكى تاراپتىڭ دا قاراۋىندا، - دەدى قاسىم- جومارت توقايەۆ.

«روسكوسموس» مەملەكەتتىك كورپوراتسياسىنىڭ باسشىسى قازاقستان پرەزيدەنتىنە «پروگرەسس- مس11» جۇك كەمەسىنىڭ «بايقوڭىر» عارىش ايلاعىنان حالىقارالىق عارىش ستانساسىنا ءساتتى ۇشىرىلعانىن مالىمدەدى.

- ءبىز كەشە الەمدىك رەكورد ورناتتىق. بۇعان دەيىن كولىك كەمەسى نەمەسە ەكيپاج حالىقارالىق عارىش ستانساسىنا كوپ اينالمالى سىزبا بويىنشا ەكى تاۋلىك ىشىندە جەتەتىن. كەشە عارىش كەمەسى جەردى ەكى رەت اينالدى. ونىڭ ستانساعا جاقىنداۋى جانە ءتۇيىسۋى 3 ساعات 21 مينۋت ىشىندە جۇزەگە استى. ماسكەۋدەن بايقوڭىرعا دەيىن ءۇش ساعاتتاي ۇشامىز، ەندى بايقوڭىردان حالىقارالىق عارىش ستانساسىنا دا شامامەن سونشا ۋاقىتتا جەتۋگە بولادى. قازىر الدىمىزدا ودان دا قىسقا سىزبا جاساۋ مىندەتى تۇر، - دەدى دميتري روگوزين.

كەزدەسۋدە تاراپتار عارىش سالاسىنداعى ىنتىماقتاستىقتىڭ پەرسپەكتيۆالارىن، سونداي- اق قازاقستان مەن رەسەيدىڭ بىرلەسكەن «بايتەرەك» عارىش جوباسىنىڭ ىسكە اسىرىلۋ بارىسىن تالقىلادى.

سوڭعى جاڭالىقتار