دۇنيەجۇزىلىك بانك قازاقستان ەكونوميكاسىنا بولجام جاسادى

نۇر-سۇلتان. قازاقپارات - دۇنيەجۇزىلىك بانك 2019-جىلى قازاقستاننىڭ جالپى ىشكى ءونىمى 3,5، ال 2020-2021-جىلدارى 3,2 پايىز بولاتىندىعىنا بولجام جاسادى.

مۇنداي دەرەك اتالعان بانكتىڭ ەۋروپا مەن ورتالىق ازيا ەكونوميكاسى تۋرالى جاڭا بايانداماسىندا كەلتىرىلگەن، دەپ حابارلايدى قازاقپارات.

دۇنيەجۇىزىلك بانك ساراپشىلارىنىڭ بولجامىنا سايكەس، 2019-جىلى قازاقستانداعى ينفلياتسيا 6,1 پايىز، 2020-جىلى 5,8, ال 2021-جىلى 5,7 پايىز دەڭگەيىندە بولادى.

ەستەرىڭىزگە سالا كەتسەك، بۇعان دەيىن ازيا دامۋ بانكى قازاقستاننىڭ جالپى ىشكى ءونىمى 2019-جىلى 3,5 پايىز بولاتىندىعىنا بولجاعان ەدى.

ا د ب- نىڭ نەگىزگى ەكونوميكالىق باسىلىمى «ازيا دامۋىنىڭ شولۋىنا» سايكەس، قازاقستاننىڭ جالپى ىشكى ءونىمى 2018-جىلعى 4,1 پايىزدان 2019-جىلى 3,5، ال 2020 -جىلى 3,3 پايىزعا دەيىن تومەندەيدى. ينفلياتسيانىڭ ورتاشا كورسەتكىشى وسى بولجام بويىنشا 6 پايىز شاماسىن ساقتاپ قالماق.