قازاقستاننىڭ بىتىمگەرلىك ميسسياسىن ءۇندىستاننىڭ اسكەريلەرى ۇيرەتۋدە

None
None
نۇر-سۇلتان. قازاقپارات - ءۇندىستان رەسپۋبليكاسى قارۋلى كۇشتەرىنىڭ موبيلدى-جاتتىقتىرۋ توبى ەكىجاقتى اسكەري ىنتىماقتاستىق شەڭبەرىندە ليۆانعا اتتاناتىن ەكىنشى قازاقستاندىق بىتىمگەرلىك روتاسىنىڭ جەكە قۇرامىنا ساباق وتكىزۋدە، دەپ حابارلايدى قازاقپارات ق ر قورعانىس مينيسترلىگىنە سىلتەمە جاساپ.

ساباقتار باعدارلاماسى بىتىمگەرلىك ميسسيالاردىڭ نەگىزگى تۇرلەرى بويىنشا اۋقىمدى تەوريالىق بلوكتى، سونداي-اق اسكەري-ازاماتىق قاتىناستىڭ قۇقىقتىق اسپەكتىلەرى مەن قاقتىعىس ايماعىندا بەيبىت حالىقتىڭ قورعالۋىن قامتيدى.

قازاقستاندىق بىتىمگەرلەر وقۋ بارىسىندا ب ۇ ۇ- نىڭ ميسسيالارىندا قاجەت قۇجاتتاردى، كۇشتەردى قولدانۋ قاعيدالارى مەن ديرەكتيۆالاردى، وپەراتسيالاردىڭ تۇجىرىمداماسىن، جاۋىنگەرلىك بۇيرىقتار مەن ت. ب. ۇيرەنەدى.

تەوريالىق بلوكتى مۇقيات زەردەلەپ، اسكەري قىزمەتشىلەر پراكتيكالىق ساباقتاردا گۋمانيتارلىق جۇككە ىلەسىپ ءجۇرۋ، ءارتۇرلى شيەلەنىستەردى شەشۋ جونىندەگى تاپسىرمالاردى پىسىقتايدى، جەدەل بازانى ۇيىمداستىرۋ مەن كۇزەتۋ، بلوك بەكەتتەردى ورىستەتۋ مەن ب ۇ ۇ- نىڭ بىتىمگەرلىك ميسسياسى شەڭبەرىندەگى وزگە دە تاپسىرمالاردى بىلەتىندەرىن قايتالايدى.

Қазақстанның бітімгерлік миссиясын Үндістанның әскерилері үйретуде

قازاقستاندىق بىتىمگەرلەر ءۇشىن ترەنينگتىڭ شارىقتاۋ شەگى وقۋ-جاتتىعۋ پوليگوندارىنىڭ بىرىندە وتەتىن «كوگىلدىر دۋلىعالار» وقۋ-جاتتىعۋى بولادى.

ايتا كەتەرلىگى، قازاقستاندىق بىتىمگەرلىك پولكىنىڭ العاشقى قۇراما روتاسىنىڭ اسكەري قىزمەتشىلەرى 2018-جىلعى قازاننان باستاپ ليۆان رەسپۋبليكاسىندا بىتىمگەرشىلىك ميسسيانى ويداعىداي ورىنداپ جاتىر. 120 اسكەري قىزمەتشى ب ۇ ۇ- نىڭ «بەيبىتشىلىك ءۇشىن قىزمەت» مەدالدارىمەن ماراپاتتالدى. قازاقستاندىق بىتىمگەرلەردىڭ روتاتسياسى 2019-جىلعى مامىردا وتەدى.

سوڭعى جاڭالىقتار