قازاقستان ۇكىمەتىندە ءبىرقاتار كادرلىق وزگەرىستەر بولدى
قازاقستان رەسپۋبليكاسى ۇكىمەتىنىڭ قاۋلىسىمەن مارات الماس ۇلى ءازىلحانوۆ ق ر اقپارات جانە قوعامدىق دامۋ ۆيتسە- ءمينيسترى قىزمەتىنە تاعايىندالدى.
مارات ءازىلحانوۆ 1965 -جىلى قىزىلوردا وبلىسىندا دۇنيەگە كەلگەن. «ەمدەۋ ءىسى» ماماندىعى بويىنشا قاراعاندى مەملەكەتتىك مەديتسينالىق ۋنيۆەرسيتەتىن، «قۇقىق تانۋ» ماماندىعى بويىنشا ۇلتتىق قاۋىپسىزدىك كوميتەتىنىڭ اكادەمياسىن ءتامامداعان.
ەڭبەك جولىن 1988 -جىلى باستاعان.
1988-1992 -جىلدارى - قالالىق اۋرۋحانانىڭ دارىگەر- ينتەرنى، قىزىلوردا قالاسىنىڭ №5 ەمحاناسىنىڭ حيرۋرگ دارىگەرى.
2011-2013 -جىلدارى ق ر ءدىن ىستەرى اگەنتتىگىنىڭ ءتوراعا ورىنباسارى قىزمەتىن اتقارعان.
2013-2014 -جىلدارى - ق ر ءدىن ىستەرى اگەنتتىگىنىڭ ءتوراعاسى.
2014-2016 -جىلدارى - ق ر مادەنيەت جانە سپورت ۆيتسە- ءمينيسترى.
2016-2018 -جىلدارى - ق ر ءدىن ىستەرى جانە ازاماتتىق قوعام مينيسترلىگىنىڭ جاۋاپتى حاتشىسى.
2018-2019 -جىلدارى - ق ر قوعامدىق دامۋ مينيسترلىگىنىڭ جاۋاپتى حاتشىسى.
بۇدان وزگە، ق ر ۇكىمەتىنىڭ قاۋلىسىمەن نۇرگۇل وسەرباي قىزى ماۋبەرلينوۆا ق ر اقپارات جانە قوعامدىق دامۋ ۆيتسە- ءمينيسترى قىزمەتىنە تاعايىندالدى، ول بۇعان دەيىن اتقارعان قىزمەتىنەن بوساتىلدى.
نۇرگۇل ماۋبەرلينوۆا 1973 -جىلى قاراعاندى وبلىسىندا دۇنيەگە كەلگەن. ە. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن جانە قازتۇتىنۋ وداعىنىڭ قاراعاندى ەكونوميكالىق ۋنيۆەرسيتەتىن بىتىرگەن.
ەڭبەك جولىن 1992 -جىلى باستاعان. ءتۇرلى جىلدارى مەملەكەتتىك ورگاندار قۇرىلىمى مەن كوممەرتسيالىق سەكتوردا قىزمەت ەتكەن.
2006-2008 -جىلدارى - ق ر مادەنيەت جانە اقپارات مينيسترلىگىنىڭ اقپارات جانە مۇراعات كوميتەتىنىڭ باس مامانى، باس ساراپشى.
2008-2012 -جىلدارى - ق ر پرەمەر- ءمينيسترى كەڭسەسىنىڭ اقپاراتتىق- ساراپتامالىق ورتالىعىنىڭ باس كەڭەسشىسى.
2012-2016 -جىلدارى ق ر پرەزيدەنتى جانىنداعى «ورتالىق كوممۋنيكاتسيالار قىزمەتى» ديرەكتورىنىڭ ورىنباسارى، ق ر پارلامەنتى ءماجىلىسىنىڭ كەڭەسشىسى لاۋازىمىندا بولدى.
2016-2018 -جىلدارى ق ر اقپارات جانە كوممۋنيكاتسيالار قىزمەتىنىڭ اقپارات كوميتەتىنىڭ ءتورايىمى بولىپ جۇمىس ىستەدى.
2018 -جىلى ساۋىردە ق ر اقپارات جانە كوممۋنيكاتسيالار ۆيتسە- ءمينيسترى قىزمەتىنە تاعايىندالدى.
سونداي- اق، ق ر ۇكىمەتىنىڭ قاۋلىسىمەن دينارا رينات قىزى شەگلوۆا بەرگەن وتىنىمىنە سايكەس اقپارات جانە كوممۋنيكاتسيالار ۆيتسە- ءمينيسترى قىزمەتىنەن بوساتىلدى.