الدىن الا داۋرىعۋعا نەگىز جوق - ەنەرگەتيكا مينيسترلىگى ا ە س جايلى

None
None
 نۇر- سۇلتان. قازاقپارات - ەنەرگەتيكا مينيسترلىگى ەل اۋماعىندا اتوم ەلەكتر ستانتسياسىن سالۋ بويىنشا رەسەي فەدەراتسياسى باسشىلىعىنىڭ ۇسىنىسىنا بايلانىستى ۇستانىمىن ءبىلدىردى، دەپ حابارلايدى قازاقپارات ءتىلشىسى.

«جۇرگىزىلگەن باعالاۋعا سايكەس ەلىمىزدىڭ ەلەكتر قۋاتىنىڭ بولجامدى بالانسىندا 2030 -جىلعا قاراي قازاقستاننىڭ وڭتۇستىگىندە 2,7 گۆت- قا دەيىن بازالىق قۋات تاپشىلىعى كۇتىلۋدە. وسىعان وراي، ەلىمىزدىڭ وڭتۇستىگىندە بۋ- گاز، گيدرو جانە اتوم ستانتسيالارىن سالۋ سياقتى ءارتۇرلى وتىن جانە ەنەرگيا كوزدەرىن پايدالانا وتىرىپ، بازالىق جانە مانيەۆرلىك گەنەراتسيانى ەنگىزۋ ارقىلى تاپشىلىقتى جابۋ مۇمكىندىگىن قاراستىرىپ وتىر» ، - دەپ حابارلايدى مينيسترلىكتەن.

ۆەدومستۆونىڭ حابارلاماسىنا سايكەس، سالىنۋى مۇمكىن ا ە س- ءتىڭ ەكونوميكالىق جانە تەحنيكالىق پارامەترلەرىن ناقتىلاۋ جانە رەاكتورلىق تەحنولوگيانى تاڭداۋ ءۇشىن تەحنيكالىق- ەكونوميكالىق نەگىزدەمەنىڭ ماركەتينگتىك ءبولىمى ازىرلەنگەن. وندا نارىقتا بار III+ رەاكتورلىق تەحنولوگيالاردى تالداۋ، سونداي- اق 5 ەلدىڭ رەاكتورلىق تەحنولوگيالاردى جەتكىزۋشىلەرىمەن، سونىڭ ىشىندە روساتوم مەملەكەتتىك كومپانياسىمەن، اقپارات الماسۋ جۇرگىزىلەدى.

«بۇدان باسقا، الەۋەتتى ينۆەستورلار ەلىمىزدىڭ وڭتۇستىك وڭىرلەرىندە مانيەۆرلى گاز گەنەراتسياسىن، سونداي- اق ەرتىس وزەنىندە ءشۇلبى گەس جانە ىلە وزەنىندە قاپشاعاي گەس كونتررەگۋلياتورلارىن سالۋ ماسەلەسىن قاراستىرۋدا. شىمكەنت جىلۋ ەلەكتر ورتالىعى الاڭىندا قۋاتى شامامەن 450 م ۆ ت بولاتىن جاڭا بۋ- گاز ەلەكتر ستانتسياسىن سالۋ جونىندە ۇسىنىس بەرىلدى. تەك مۇمكىندىكتەر جانە ۇسىنىلاتىن جوبالار تياناقتى زەرتتەلگەن سوڭ عانا ەلەكتر ەنەرگياسىن وندىرۋگە قازاقستان ءۇشىن نەعۇرلىم وڭتايلى جانە قولايلى تەحنولوگيالار ايقىندالاتىن بولادى. ەگەر قۋات تاپشىلىعىن جويۋ ماقساتىندا ا ە س- ءتى تاڭداعان جاعدايدا قازاقستان رەسپۋبليكاسىنىڭ زاڭناماسىنا سايكەس اەس سالۋ تۋرالى شەشىمدى ق ر ۇكىمەتى قوعامدىق تىڭداۋلار جۇرگىزىپ، ا ە س سالىناتىن اۋماقتاردىڭ جەرگىلىكتى وكىلدى ورگانداردىڭ كەلىسىمى بويىنشا قابىلدايتىن بولادى» ، - دەلىنگەن حابارلامادا.

ەنەرگەتيكا مينيسترلىگى بۇل رەتتە ەلىمىزدىڭ شارۋاشىلىق مىندەتتەرىن شەشۋ مۇقتاجدىعى، قاجەتتى جاعدايلاردىڭ بولۋى جانە قاۋىپسىزدىك قاتەرىنىڭ بولماۋى ەسكەرىلەدى.

«وسىلايشا، الدىن الا داۋرىعىپ، تۇجىرىمدار جاساۋعا جانە نەگىزسىز الاڭداۋعا سەبەپ جوق ەكەنىن حابارلايمىز» ، - دەپ حابارلايدى مينيسترلىكتەن.

 ەستەرىڭىزگە سالا كەتەيىك، ق ر پرەزيدەنتى قاسىم- جومارت توقايەۆتىڭ ر ف- كە رەسمي ساپارى بارىسىندا رەسەي پرەزيدەنتى ۆلاديمير پۋتين ەكى ەلدىڭ اراسىنداعى ەنەرگەتيكالىق سالاداعى ىنتىماقتاستىقتى كەڭەيتۋدى جانە قازاقستاندا ا ە س قۇرىلىسىن رەسەيلىك تەحنولوگيامەن جۇرگىزۋدى ۇسىندى.

«بەيبىت اتوم سالاسىندا ىنتىماقتاستىق دامىپ كەلەدى، ۋران ءوندىرۋ مەن بايىتۋ بويىنشا قازاقستاندىق- رەسەيلىك التى كاسىپورىن جۇمىس ىستەۋدە. ءوزارا ءىس- قيمىلدىڭ جاڭا فورماتىنا كوشۋ، وسى ورايدا رەسەيلىك تەحنولوگيالارمەن ا ە س سالۋ مۇمكىندىگىن ۇسىنامىز» ، - دەدى ۆ. پۋتين.

ايتا كەتەيىك، بۇگىن ق ر ەنەرگەتيكا ۆيتسە- ءمينيسترى ماعزۇم مىرزاعاليەۆ قازاقستاندا اتوم ەلەكتر ستانساسىن سالۋ تۋرالى ۇسىنىسقا قاتىستى تۇسىنىك بەرگەن بولاتىن.

سوڭعى جاڭالىقتار