قويانبايەۆتىڭ كەزەكتى فيلمىنە گولليۆۋد جۇلدىزدارى تۇسپەك

  استانا. قازاقپارات - نۇرلان قويانبايەۆ «بيزنەس پو- كازاحسكي» فيلمىن ءتۇسىرىپ، وتاندىق كينونارىقتا كاسسالىق جيىن بويىنشا رەكورد ورناتقان ەدى.

كينوپروديۋسەر تۋىندىنىڭ ءتورتىنشى ءبولىمىن دە تاسپالاۋدى جوسپارلاپ وتىر. بۇل جولى قويانبايەۆ گولليۆۋد جۇلدىزدارىمەن بىرگە جۇمىس ىستەپ كورمەك.

 بۇل تۋرالى ن ت ك ارناسىنىڭ "ريەۆيۋ" باعدارلاماسىندا ايتىلدى.

«ءتورتىنشى ارينە تەك قانا مەملەكەت بولمايدى. ول جەردە ءبىز قۇپيا دەپ ءجۇرمىز، ءبىراق ەندى جايمەندەپ ايتۋعا بولاتىن شىعار. ءبىز گوليۆۋدتىڭ ا كلاسسى دەيدى عوي جاڭاعى توپ جۇلدىزبەن كەلىسسوزدەر جۇرگىزىپ جاتىرمىز. كورەرمەندەرگە ۇناسىن دەپ»، - دەيدى قويانبايەۆ.

ازىرگە كينوكارتيناعا قاي جۇلدىزدىڭ تۇسەتىنى بەلگىسىز. ەسەسىنە فيلمنىڭ ءداستۇر بويىنشا شەتەلدە تۇسىرىلەتىنى انىق. وعان ەۋروپا، ينديا جانە كورەيا مەملەكەتتەرىنىڭ ءبىرى تاڭدالماق.

«كينويندۋستريادا ازىرگە جەڭىمپاز دەپ ايتۋعا بولادى. قازىر دەگەن كوپ ارىپتەستەرىمىز ەندى ءبىر- بىرىنەن سۇرايدى عوي ءبىرىنشى ورىندا قاي كينو دەپ سوندا پو- كازاحسكي دەيدى. ونىڭ ءوزى ماعان جەڭىس»، - دەيدى قويانبايەۆ.

كينوگەردىڭ كەزەكتى كارتيناسى «Love is» اتتى رومانتيكالىق كومەديا بولماق. لوس- اندجەلەس قالاسىندا دا تاسپالانعان لەنتادا پروديۋسەر، باستى رولدە جاس اكتەرلاردى كورگىسى كەلگەن ەكەن.

«بۇل كينودا مەن ءوزىم پروديۋسەر عانا بولامىن دەپ شەشكەم باسىندا، ويتكەنى ءرول ماعان سايكەس كەلمەدى. 2 اكتەرعا ۇسىنىس جاسادىق ءبىراق ول كىسىلەر جوبالارى بولدى اقپان ايىندا. ولار ءبىزدىڭ كينومىزعا تۇسە المايتىن بولعاندىقتىن، بارلىعىمىز شەشىپ ءوزىم وينايتىن بولدىم»، - دەيدى قويانبايەۆ.

تىڭ تۋىندىنى قولعا الماس بۇرىن قويانبايەۆ، كورەياعا ساپار شەككەن ەدى. بىرەر كۇن بۇرىن ەلگە ورالعان كينوپروديۋسەر، شەتەلدىك ارىپتەستەرىمەن تاجىريبە الماسۋعا بارىپتى.

«كورەيادا كينويندۋستريا وتە جاقسى دامىعان دەپ ايتا الامىز. ويتكەنى تەلەحيكايالار تۇسىرە الادى، تەك قانا وزدەرى عانا ەمەس بۇكىل الەم كورىپ جاتىر. سول قالاي تۇسىرەدى ەكەن، مۋزىكامەن قالاي اينالىسادى جالپى ارتىستەرمەن قالاي جۇمىس ىستەيدى. سەناريمەن قالاي جۇمىس ىستەيدى دەپ تاجىريبە الماسۋعا باردىق»، - دەيدى نۇرلان.