ەلوردادا «كۇلتەگىن» انيماتسيالىق فيلمى تەگىن كورسەتىلەدى
«كىشكەنتاي كورەرمەندەردى مۋلتفيلمنىڭ ەكى سەانسى كۇتۋدە. انيماتسيا، گرافيكا جاعىنان شەتەلدىك مۋلتفيلمدەردەن كەم تۇسپەيتىن تۋىندى ساعات 15.00-دە قازاق تىلىندە، ال 17.00-دە ورىس تىلىندە كورسەتىلمەك. كوپبالالى جانە الەۋمەتتىك تۇرعىدان از قامتىلعان وتباسىلاردان شىققان بالالار، جەتىمدەر ءۇيىنىڭ تاربيەلەنۋشىلەرى، مۇگەدەك بالالار ءۇشىن كىرۋ تەگىن»، - دەپ جازىلعان «QAZAQSTAN» مەملەكەتتىك كونسەرت ۇيىمىنىڭ فەيسبۋك پاراقشاسىندا.
ق ر مادەنيەت جانە سپورت مينيسترلىگىنىڭ تاپسىرىسى بويىنشا ش. ايمانوۆ اتىنداعى «قازاق فيلم» ا ق تۇسىرگەن تۋىندى تۇرىك قاعاناتىنىڭ داڭقتى اسكەري قولباسشىسى كۇلتەگىننىڭ ەرلىگى تۋرالى باياندايدى.
ايتا كەتسەك، اتالعان مادەني مەكەمە بۇعان دەيىندە ەلوردالىق بۇلدىرشىندەرگە تارتۋ جاساعان بولاتىن. ناۋرىز مەرەكەسى قارساڭىندا «مۇزبالاق» مۋلتفيلمى قازاق جانە ورىس تىلدەرىندە كورسەتىلىپ، وعان 5600 كىشكەنتاي كورەرمەن قاتىستى.
www.24.kz
