ەربولات دوسايەۆ ۆاليۋتا نارىعىنداعى جاعدايعا تۇسىنىك بەردى
«ۆاليۋتا نارىعىندا جاعداي تۇراقتى بولىپ قالۋدا. 2 - ساۋىردەگى جاعداي بويىنشا تەڭگەنىڭ ايىرباستاۋ باعامى جىل باسىنان 1,2 پايىزعا نىعايدى. ايىرباستاۋ باعامى ەلىمىزدەگى تولەم بالانسى جاعدايىنا، ياعني شەتەل ۆاليۋتاسىنىڭ ەلىمىزدىڭ نارىعىنا ءتۇسىمى مەن كەتۋىنىڭ تەڭگەرىمىنە بايلانىستى. بۇل سىرتقى كۇيزەلىستەردى بارىنشا ازايتۋعا جانە ەكونوميكامىزدىڭ باسەكەگە قابىلەتتىلىك كورسەتكىشتەرىن ساقتاۋعا مۇمكىندىك بەرەدى»، - دەپ ءتۇسىندىردى ە. دوسايەۆ.
ۇ ب ءتوراعاسى اتاپ وتكەندەي، 2018 -جىلى تولەم بالانسىنىڭ اعىمداعى شوتىنىڭ ايتارلىقتاي جاقسارۋى بايقالدى.
«تەڭگەنىڭ وزگەرمەلى ايىرباستاۋ باعامى ساياساتى التىن- ۆاليۋتا رەزەرۆتەرىن ۇنەمدەۋگە مۇمكىندىك بەرەدى. 1 - ناۋرىزداعى جاعداي بويىنشا ۇلتتىق بانكتىڭ التىن- ۆاليۋتا رەزەرۆتەرى 29,2 ميلليارد ا ق ش دوللارىن، ۇلتتىق قوردىڭ اكتيۆتەرى - 59 ميلليارد ا ق ش دوللارىن قۇرادى. جالپى حالىقارالىق رەزەرۆتەر 88,2 ميلليارد ا ق ش دوللارىنا جەتتى»، - دەدى دوسايەۆ.
اۆتور: رۋسلان عابباسوۆ