كۇيەۋىڭىزدەن نەنى تالاپ ەتۋدىڭ قاجەتى جوق؟

None
None
 نۇر-سۇلتان. قازاقپارات - ايەل ادام كۇيەۋىن تۇلعا رەتىندە كورە بەرمەيدى. سول سەبەپتى ەرلى-زايىپتىلاردىڭ اراسىندا اجىراسۋعا دەيىن اپاراتىن ۇلكەن داۋلار پايدا بولادى.

جانجالدىڭ الدىن الۋ ءۇشىن ارنايى ەرەجەلەرگە ءمان بەرۋ كەرەك. ول قانداي قاعيدالار ەكەنىن رامبلەر سايتى ۇسىنادى.

ءوزىڭىز بەن اناسىنىڭ اراسىندا تاڭداۋ جاساۋعا ماجبۇرلەمەڭىز

ەنەڭىزبەن دۇرىس قارىم-قاتىناس ورناتا الماعان بولساڭىز، وعان كۇيەۋىڭىزدى ارالاستىرماڭىز. ۇساق جانجالداردىڭ سوڭى ۇلكەن داۋعا ۇلاسىپ، اجىراسۋمەن اياقتالۋى مۇمكىن. سەبەبى، ەر ادام كوپ جاعدايدا اناسىن قولدايدى.

كۇيەۋىڭىز ءسىزدىڭ قۇربىڭىز ەمەس

ارينە، ءومىرىڭىزدىڭ قيىن-قىستاۋ كەزىندە ول ءسىزدى بارىنشا قولداپ، جانىڭىزدا بولۋى كەرەك. ءبىراق، كۇيەۋىڭىزدى وسەكشىگە اينالدىرماڭىز. ەر ازاماتتار بوس سويلەگەندى ۇناتا بەرمەيدى. وتكەن-كەتكەندى ەسكە العىڭىز كەلسە، ودان دا ەسكى قۇربىڭىزعا حابارلاسقان ءجون.

باسقا ايەلدەرگە قاراۋعا تىيىم سالماڭىز

پسيحولوگتاردىڭ ايتۋىنشا ايەلدەردىڭ ەر ادامدارعا، ال ەر ادامداردىڭ ايەلدەرگە كوز قىرىن سالۋى - قالىپتى جاعداي. تەك كۇيەۋىڭىز وزگە ايەلدەرمەن تانىسىپ، ءنومىرىن سۇراپ، ەرسى قىلىقتارىن بايقاعاندا ءىستى قولعا الىڭىز.

ول ءسىز ءۇشىن ءوز قىزىعۋشىلىقتارىنان باس تارتپايدى

كۇيەۋىڭىز دوستارىمەن ۋاقىت وتكىزگىسى كەلسە، ول وتباسىنان شارشادى دەگەن ءسوز ەمەس. وعان تەك دوستارىمەن ۋاقىت وتكىزىپ، باقىت سەزىمىن جيىرەك سەزىنىپ تۇرۋ ماڭىزدى.

ادامدى وزگەرتۋ - ساتسىزدىككە اكەپ سوعادى

اڭگىمە ەسسىزدىك سەكىلدى ماڭىزدى ماسەلە جايىندا بولماسا، جۇبايىڭىزعا كىشىگىرىم ولقىلىقتاردى كەشىرۋگە بولادى. بالكىم ول ءسىز قالاعانداي كەستە بويىنشا ءومىر سۇرە المايتىن شىعار. دەگەنمەن كەزىندە ءسىزدى ونىڭ بويىنداعى كەنەتتەن شەشىم قابىلداۋ سەكىلدى قاسيەتى تارتقان بولار. ودان دا سۇيىكتىڭىزدىڭ جاقسى قاسيەتتەرىنە كوڭىل ءبولىڭىز.

ول ءسىز ماڭىزدى دەپ تاپقان كۇندەردىڭ ءبارىن جاتقا بىلمەۋى مۇمكىن

ەر ادامنىڭ قۇرىلىمى باسقاشا. سوندىقتان ونىڭ ميى بارلىق اقپاراتتى سىزدىكى سەكىلدى قابىلداماۋى مۇمكىن. ونىڭ قاشان ءسىزدى تاعدرىم دەپ تۇسىنگەنىن سۇراۋدىڭ قاجەتى شامالى. سەبەبى ونى ەسكە ءتۇسىرۋ ءۇشىن كۇيەۋىڭىزگە ءبىراز كۇش كەرەك بولادى.

جۇبايىڭىز ءسىزدىڭ قىزىعۋشىلىقتارىڭىزعا قىزىقپاۋى مۇمكىن

ارينە، ول ءسىزدىڭ سۇيىكتى اكتەرىڭىز وينايتىن فيلمدى كورۋ ءۇشىن كينوتەاترعا بىرگە بارۋى مۇمكىن. ءبىراق سودان كەيىن اكتەردىڭ ءومىربايانىن ايتىپ، كۇيەۋىڭىزدىڭ قۇلاق ەتىن جەۋدىڭ قاجەتى شامالى. ونىڭ تاڭداۋ قۇقىعى بار.

سوڭعى جاڭالىقتار