قاسىم- جومارت توقايەۆ پەن ۆلاديمير پۋتين كرەمل سارايىندا كەزدەستى
ەكى ەلدىڭ كوشباسشىلارى كەلىسسوز بارىسىندا ساياسي، ساۋدا- ەكونوميكالىق، مادەني- گۋمانيتارلىق، سونىمەن قاتار وزەكتى وڭىرلىك جانە حالىقارالىق تاقىرىپتاعى ماسەلەلەردى تالقىلاۋدا، دەپ حابارلايدى قازاقپارات ءتىلشىسى.
«ماسكەۋدە قارسى الۋىما رۇقسات ەتىڭىز. ءسىز مەملەكەت باسشىسى رەتىندە العاش رەت كەلىپ وتىرسىز. مەملەكەت باسشىسى لاۋازىمىنا كىرىسۋىڭىزبەن قۇتتىقتاۋعا رۇقسات ەتىڭىز. ءسىز قارىم- قاتىناسىمىزدىڭ دەڭگەيىن بىلەسىز، ءوزىڭىز دە رەسەي مەن قازاقستان اراسىنداعى بايلانىستاردى وسىنداي دەڭگەيگە كوتەرۋ ءۇشىن كوپ ءىس اتقاردىڭىز» ، - دەپ اتاپ ءوتتى ۆ. پۋتين.
وسى ورايدا ول بۇل قازاقستاننىڭ تۇڭعىش پرەزيدەنتىنىڭ ەرەن ەڭبەگى ەكەندىگىن باسا ايتتى.
«دەگەنمەن، بارلىق كوماندا وسى ماقساتتا جۇمىس ىستەدى. ءبىز كوپ جەتىستىككە جەتتىك. ءبىز تەك سەرىكتەس قانا ەمەس، سونىمەن بىرگە حالىقارالىق ۇيىمدار مەن ەكىجاقتى تۇرعىدا دا جاقىن وداقتاس ەكەندىگىمىز ءسوزسىز. قارىم- قاتىناسىمىز وتە ءتيىمدى دامۋ ۇستىندە. ءبىز بايىپتى، ايتارلىقتاي جەتىستىكتەرگەقول جەتكىزدىك، ول حالقىمىزدىڭ ءومىر دەڭگەيىنە اسەرىن تيگىزۋدە. ءسىزدىڭ وسىنداي وكىلەتتى كوماندامەن بىرگە بۇگىنگى ساپارىڭىز ءبىزدىڭ كوپ جوسپارلى، كوپجاقتى وداقتاستىق قارىم- قاتىناسىمىزدى نىعايتۋ ىسىنە قىزمەت ەتەتىندىگىنە سەنىمدىمىن. قوش كەلدىڭىز! ءسىزدى كورگەنىم ءۇشىن قۋانىشتىمىن» ، - دەدى رەسەي پرەزيدەنتى.
ءوز كەزەگىندە قاسىم- جومارت توقايەۆ ۆلاديمير پۋتينگە قازاقستان پرەزيدەنتى لاۋازىمىنا كىرىسۋىمەن قۇتتىقتاعانى جانە وسى جولعى ساپارىن ۇيىمداستىرعانى ءۇشىن ريزاشىلىعىن ءبىلدىردى. سونىمەن قاتار ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ سالەمىن جەتكىزدى.
«ءسىز قازىر عانا ونىڭ ەلدەرىمىز اراسىنداعى تاتۋ كورشىلىكتى قالىپتاستىرۋ، نىعايتۋ جانە دامىتۋ ىسىنە قانداي ەڭبەك سىڭىرگەنىن دۇرىس ايتتىڭىز. بۇعان قوسا، تومەننەن باستادىق. 1992 -جىلى شارتتى دايىنداۋعا ءوزىمنىڭ دە قاتىسقانىم ەسىمدە جانە ءدال سول قۇجاتتان ءبىز ەلدەرىمىز اراسىنداعى وداقتاستىق قارىم- قاتىناسقا كوشتىك» ، - دەدى ق. توقايەۆ.
مەملەكەت باسشىسى ەكاتەرينبۋرگتە قول قويىلعان وداقتاستىق جانە سەرىكتەستىك قارىم- قاتىناس تۋرالى شارت ەكى ەلدىڭ اراسىنداعى بارلىق سالاداعى قارىم- قاتىناسقا ىرگەتاس بولعاندىعىن باسا ايتتى.
«حالىقتارىمىز اراسىنداعى قول جەتكىزىلگەن دوستىق الەۋەتىن نىعايتۋ ءۇشىن بارلىق كۇش جىگەرىمدى جۇمسايمىن. ءدال وسىنداي قارىم- قاتىناس مەملەكەتتەرىمىزدىڭ دە، حالقىمىزدىڭ دا ۇلتتىق مۇددەسىنە ساي كەلەدى» ، - دەدى ق ر پرەزيدەنتى.
