قازاقستاندا «بەيبىتشىلىك جاۋىنگەرى» بايقاۋىنا ىرىكتەۋ ءجۇرىپ جاتىر
وعان جەلتوقساننان ناۋرىزعا دەيىن اسكەري بولىمشەلەردە، وڭىرلىك قولباسشىلىقتاردا، قارۋلى كۇشتەردىڭ تۇرلەرىندە كەزەڭ- كەزەڭىمەن وتكىزىلگەن ىرىكتەۋ كەزەڭدەرىنىڭ جەڭىمپازدارى قاتىستى. جالپى، جارىستا 76 اسكەري قىزمەتشى باق سىنادى، سونىڭ 20 سى - ايەلدەر.
حالىقارالىق جارىس قاتىسۋشىلارىنىڭ كاسىبي شەبەرلىگى: «اتلەت» اسكەري- سپورت كەزەڭى؛ «كاسىبي» اسكەري- كاسىبي كەزەڭى؛ اتىس دايارلىعى بويىنشا «سنايپەر» جارىسى؛ «كاۆالەر» ادەبي- كوركەم جانە بي كونكۋرسى؛ اسكەري سالا تاريحى بويىنشا «ەرۋديت» بايقاۋى ارقىلى انىقتالادى.
ىرىكتەۋ قورىتىندىسى بويىنشا ەڭ ۇزدىك ناتيجەگە جەتكەن 16 ادام تاڭدالدى. سونىڭ 11 ءى ەر، 5 ەۋى - ايەل. ولار ەندى بايقاۋعا دايىندىعىن جالعاستىرادى.
ەسكە سالا كەتەيىك، «بەيبىتشىلىك جاۋىنگەرى» حالىقارالىق كونكۋرسى «2019 -جىلعى حالىقارالىق ارميا ويىندارى» تىزىمىنە كىرەدى. بيىل ول ارمەنيا رەسپۋبليكاسىندا وتەدى.
2018 -جىلى قازاقستان كومانداسى اتالمىش بايقاۋدا ءبىرىنشى ورىندى جەڭىپ العان بولاتىن.
