ءشاي ءىشۋ قاي كەزدە زيان؟

None
None
 نۇر-سۇلتان. قازاقپارات - ءشاي - كوپتەگەن ادامداردىڭ ەڭ جاقسى سۋسىنى.

قارتايعان كىسىلەردىڭ ءشايعا دەگەن قۇمارى ءتىپتى دە ارتا تۇسەدى.

بۇل ەڭ باستىسى ونىڭ قۇرامىنداعى سەرگىتكىش كوفەين زاتتاردان. دەگەنمەن، مىناداي جاعدايلار كەزىندە ءشاي ىشۋدەن اۋلاق بولىڭىز.

تۇماۋراتىپ، دەنە تەمپەراتۋراڭىز كوتەرىلىپ، قىزىپ تۇرعان كەزدە ءشاي ىشپەگەنىڭىز ءجون. ءشايداعى كوفەين قۇرامى ءسىزدىڭ دەنە تەمپەراتۋراڭىزدى ءتىپتى دە جوعارىلاتادى. ونىڭ ۇستىنە ءدارىنىڭ كۇشىن جويىپ جىبەرەدى.

 باۋىر اۋرۋىنا شالىققان ادامداردىڭ ەڭ جاقسىسى ءشايدى تۇتىنباعانى ءجون.

 جۇيكە- جۇيەسى ءالسىز ادامدار ءشايدى از تۇتىنعان ءجون. كوبىنەسە تۇستەن كەيىن نەمەسە كەشقۇرىم ءشاي ىشۋدەن اۋلاق بولىڭىز. كوفەين جۇيكەنى سەرگىتەتىندىكتەن ۇيقىسىزدىققا دۋشار ەتەدى.

 اراققا سىلقيا تويىپ الىپ، ءشاي ءىشۋ ءتىپتى دە قاتەرلى. ماس كەزدە ءشاي ءىشۋ بۇيرەككە اۋىر سالماق تۇسىرەدى. ماس كەزدە ءشايدىڭ بۇيرەكتى زاقىمداۋ قۋاتى ءتىپتى دە ارتا تۇسەدى.

 ءدارىنى شايمەن ىشۋگە نەمەسە دارىدەن كەيىن ءشاي ىشۋگە مۇلدە بولمايدى. بۇل ءدارىنىڭ كۇشىن جويىپ قانا قويماي، كوفەين قۇرامى كەيبىر دارىلەرمەن قوسىلىپ، باسقا اۋرۋلار تۋدىرادى.

قان ازدىق اۋرۋىنا شالدىققاندار دا مۇلدە ءشاي ىشۋگە بولمايدى. ءشاي ادەتتە قاندا ەرىمەيتىندىكتەن اۋرۋدى اسقىندىرىپ جىبەرەدى.

بۇيرەگىنە تاس بايلانعان ادامدارعا دا ءشاي ىشۋگە بولمايدى ەكەن.

اش قارىندا ءشاي ىشۋگە بولمايدى. اسقازان سۇيىقتىعىنىڭ بولىنۋىنە كەرى اسەر بەرەتىندىكتەن، اس قورىتۋ جۇيەلەرىنىڭ ءار ءتۇرلى اۋرۋلارىنا دۋشار ەتەدى. تاماقتىڭ الدى-ارتىندا دا ءشاي ىشپەگەنىڭىز ءجون. تاماق ءىشىلىپ، 20 مينۋتتان كەيىن عانا «راحاتتانىپ» وتىرىپ، ءشاي ىشۋىڭىزگە بولادى.

ۇيىقتار الدىنداعى ەكى ساعات مولشەرىندە مۇلدە ءشاي ىشپەڭىز.

بىزدە ادەتتە ءتۇن اسقان ءشايدى تۇتىنا بەرەتىن ادەت بار. ءتۇن اسقان ءشاي ءوز قۇرامىن تەز وزگەرتەدى. بۇدان اباي بولعان ءجون.

بالالارعا قانىق، قويۋ دەمدەلگەن ءشايدى ىشۋگە بولمايدى. بۇل بالالاردى قان ازدىق، تەمىر قۇرامى جەتىسپەۋ سەكىلدى اۋرۋلارعا دۋشار ەتەدى.

ەگەر جۇرەك اۋرۋىڭىز بولسا، مۇلدە ءشاي تۇتىنباعانىڭىز ءجون. ءشايداعى سەرگىتكىش كوفەين جۇرەك ءريتمىن تەزدەتىپ جىبەرەدى.

 

سوڭعى جاڭالىقتار