ەلباسى نۇرسۇلتان نازاربايەۆ: ءبارىمىز قازاقستاننىڭ يگىلىگى ءۇشىن جۇمىس ىستەۋگە ءتيىسپىز

 نۇر- سۇلتان. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ توراعالىعىمەن كەڭەس ءوتتى، دەپ قازاقپارات ق ر تۇڭعىش پرەزيدەنتى - ەلباسىنىڭ باسپا ءسوز قىزمەتىنە سىلتەمە جاساپ.

جيىنعا ق ر تۇڭعىش پرەزيدەنتى - ەلباسى كەڭسەسىنىڭ باسشىسى م. قاسىمبەكوۆ، ق ر تۇڭعىش پرەزيدەنتى - ەلباسىنىڭ كومەكشىسى ا. بيسەمبايەۆ، ق ر تۇڭعىش پرەزيدەنتى - ەلباسى كەڭسەسىنىڭ، سونداي- اق تۇڭعىش پرەزيدەنت قورى مەن كىتاپحاناسىنىڭ قۇرىلىمدىق بولىمشەلەرىنىڭ جەتەكشىلەرى قاتىستى.

جيىن بارىسىندا ەلباسى نۇرسۇلتان نازاربايەۆقا قازاقستان رەسپۋبليكاسىنىڭ تۇڭعىش پرەزيدەنتى - ەلباسى كەڭسەسى قىزمەتىنە بايلانىستى ۇيىمداستىرۋ- قۇقىقتىق ماسەلەلەردىڭ اياقتالعانى جونىندە باياندالدى، سونداي- اق، قازاقستان رەسپۋبليكاسىنىڭ تۇڭعىش پرەزيدەنتى - ەلباسى كەڭسەسىنە كادرلاردى تاڭداۋ جۇمىستارىنىڭ ناتيجەلەرى تۋرالى اقپارات ۇسىنىلدى.

 نۇرسۇلتان نازاربايەۆ تۇڭعىش پرەزيدەنت كەڭسەسىنىڭ الدىنا قويىلعان مىندەتتەردىڭ ۋاقىتىلى جانە ءتيىمدى ورىندالۋىن قامتاماسىز ەتۋ قاجەتتىلىگىن اتاپ ءوتتى.

 - مەن تۇڭعىش پرەزيدەنت - ەلباسىنىڭ ءتيىستى كونستيتۋتسيالىق زاڭمەن رەتتەلەتىن مىندەتتەرىن اتقارۋعا كىرىستىم. سونىمەن قاتار، مەن قاۋىپسىزدىك كەڭەسىنىڭ، قازاقستان حالقى اسسامبلەياسىنىڭ ءتوراعاسىمىن، Nur Otan پارتياسىنا باسشىلىق ەتۋدى جالعاستىرا بەرەمىن. الدىمىزدا اۋقىمدى جۇمىس تۇر. وسى قىزمەتتى قامتاماسىز ەتۋ ءۇشىن تۇڭعىش پرەزيدەنتتىڭ كەڭسەسى قۇرىلدى. ۇيىمداستىرۋ ماسەلەلەرىنىڭ بارلىعى شەشىلدى. ەندى ءبارىمىز جۇكتەلگەن مىندەتتەردى ورىنداۋعا كىرىسۋىمىز كەرەك، - دەدى ەلباسى.

 

نۇرسۇلتان نازاربايەۆ مەملەكەتتى ودان ءارى دامىتۋ جونىندەگى ستراتەگيالىق مىندەتتەردى ساپالى شەشۋ ماقساتىمەن ۆەدومستۆوارالىق ءوزارا ءتيىمدى ىقپالداستىق ورناتۋدىڭ قاجەتتىلىگىن ايتتى.

 - بۇگىندە پرەزيدەنت تە، ۇكىمەت تە مەن بەكىتكەن باعدارلامالىق قۇجاتتاردا، جولداۋدا قامتىلعان، سونداي- اق پارتيا سەزىندە ايتىلعان مىندەتتەردى ورىنداۋ باعىتىندا جۇمىس ىستەۋدە. ءبارىمىز قازاقستاننىڭ يگىلىگى ءۇشىن، ەلىمىزدىڭ تۇراقتىلىعىن، بىرلىگى مەن دامۋىن قامتاماسىز ەتۋ ءۇشىن جۇمىس ىستەۋگە ءتيىسپىز. بۇل - بارىمىزگە ورتاق مىندەت، - دەدى نۇرسۇلتان نازاربايەۆ.

 قازاقستاننىڭ تۇڭعىش پرەزيدەنتى قوعامدىق ماڭىزى بار باستامالاردى جۇزەگە اسىرۋدىڭ ماڭىزدىلىعىنا باسا ءمان بەردى. بۇل رەتتە، ەلباسى نۇرسۇلتان نازاربايەۆ تۇڭعىش پرەزيدەنت قورىنىڭ تالانتتى جاستارعا جان- جاقتى قولداۋ كورسەتۋگە باعىتتالعان جوبالارىن ىسكە اسىرۋدىڭ وزەكتىلىگى اتاپ ءوتتى.

جيىن قورىتىندىسى بويىنشا ەلباسى ءبىرقاتار ناقتى تاپسىرما بەردى.