تۋريست پەن ساياحاتشىنىڭ ايىرماشىلىعى نەدە؟
ارينە، ساياحات دۇرىس، ءبىراق ونى دا اقىلمەن ىستەگەن دۇرىس. سول ءۇشىن الدىمەن ساياحاتشى مەن تۋريستتىڭ ايىرماشىلىعىن اجىراتىپ الايىق.
تۋريست - ءوز ەركىنشە كوڭىل كوتەرۋ مەن دەمالۋ ءۇشىن، قىسقاشا ايتقاندا قىزىق كورىپ، تاۋەكەل جاساۋ ءۇشىن باسقا ءبىر جەرگە اتتانعان ادام. ال ساياحاتشى - جەكەشەلەنگەن ادامدار، ءبىر ماقساتتى قۋالايتىن ادامدار توبى ( مىسالى: ەكسپەديتسيالار).
ستاتيستيكا ماقساتىندا ساياحاتتاۋشى ادامدى «كەلۋشى»، ال تۋريستى «دەمالۋشى» دەپ بولەدى. تۋريزمنىڭ ساياحاتتان نەگىزگى ەرەكشەلىگى: ساياحاتقا قاراعاندا، تۋريزم - بۇل ادامداردىڭ بارىنشا قىسقا ۋاقىت ارالىعىنداعى ورىن اۋىستىرۋى.
جانە تاعى ءبىر ەستە ساقتايتىن جايت. بارۋدى جوسپارلاعان ەلگە بارماستان بۇرىن، سول ەل تۋرالى ءبىراز مالىمەتتەر ءبىلىپ العانىڭىز دۇرىس. ءبىراق شىنىمەن قايدا باراتىنىڭىزدى ءبىلۋ ءاردايىم جاقسى ەمەس پە؟ بۇل ەلدە قانداي مادەنيەت بار، جەرگىلىكتى تۇرعىندار بوس ۋاقىتىن قاي جەردە وتكىزگەندى ۇناتادى نەمەسە ءسىز كەيبىر ارەكەتتەرىڭىزبەن جەرگىلىكتى تۇرعىنداردى رەنجىتىپ الىپ ىڭعايسىز جاعدايعا تاپ كەلۋىڭىز مۇمكىن. ارينە، بارلىعىنا تولىق دايىن بولۋ مۇمكىن ەمەس. ءبىراق ءسىز وسىنداي جاعدايلاردى مينيمۋمعا دەيىن تۇسىرە الاسىز. بۇنداي ماسەلەلەرگە باسقا تاقىرىپ ارناۋ كەرەك.
ءوز دەمالىسىڭىزدى پايدالى وتكىزىڭىز مۇراجايلارعا، كورمەلەرگە بارىڭىز، تەاترعا بارىڭىز. بالىق اۋلاۋ، اڭ اۋلاۋ، اتقا ءمىنىپ سەرۋەندەۋ، تابيعاتتا دوستارمەن دەمالۋدى ۇيىمداستىرىڭىز. ءبىراز جەر اينالىپ وتكەن سوڭ ، ولارعا نە كورىپ- بىلگەنىڭىزدى ايتىپ بەرىڭىز. ەڭ باستىسى - ءبىر ورىندا وتىرماڭىز، كوپ اسەر قالدىرساڭىز، ءومىر قىزىقتى بولادى.
فوتواپپارات ساتىپ الىڭىز. ەڭ قاراپايىمى دا جارايدى سوسىن ءسىز الەمنىڭ ادەمىلىگىن اۋلاۋعا تىرىسىڭىز. ءسويتىپ ءسىزدىڭ ساياحاتىڭىز تەك قانا ويشا ەسىڭىزدە عانا ەمەس ءوزىڭىز اكەلگەن ادەمى سۋرەتتەرمەن دە ەستەلىك بولىپ قالادى.
ءسىز قايدا دەمالعىڭىز كەلەدى؟
