بالا وقۋدان جالىعىپ كەتپەس ءۇشىن

استانا. قازاقپارات - بالالار مەكتەپ تابالدىرىعىن اتتاعاننان باستاپ، كەيبىرىنەن ءبىلىم الۋعا دەگەن تالپىنىس، ال ەكىنشىلەرىنەن نەمقۇرايلىلىق انىق كورىنىپ تۇرادى.

 بالا وزدىگىنەن دامۋعا جانە جاڭا نارسە ۇيرەنۋگە تالپىنۋى ءۇشىن اتا- انا ءوزىن قالاي ۇستاۋ كەرەك؟ زاماناۋي الەمدە اتا- انالار بالانىڭ ەرتە دامۋىنا كوپ ىقپال جاسايدى. ءبىرىنشى سىنىپقا بارعاندا بالالاردىڭ كوپشىلىگى وقۋدى، ساناۋدى، جازۋدى، ءتىپتى، شەت تىلدەرىن ءبىلىپ كەلەدى. الايدا ونىڭ كەرى جاعى دا بار: مەكتەپ جاسىنا دەيىنگى بالاعا كوپ جۇمىس بەرىلىپ قويعاندىقتان ونىڭ وقۋعا دەگەن ىنتاسى جوعالا باستايدى. بالانىڭ وقۋعا دەگەن قۇشتارلىعىن اشىپ، ءبىراق ىنتاسىن جوعالتپاش ءۇشىن نە ىستەۋ كەرەك؟

 بالادان ول ءازىر دايىن ەمەس نارسەنى تالاپ ەتپەڭىز قازىرگى اتا- انالاردىڭ اۋزىنان " ءبىزدىڭ بالا 2 جاستان باستاپ اعىلشىنشا سويلەي الادى"، "ءبىزدىڭ قىزىمىز 4 جاسىندا مەنتالدى اريفمەتيكانى باستاپ كەتتى" دەگەن ماقتانىش سوزدەرىنەن ەستۋگە بولادى. ولار ءبىر- بىرىنە بالالارىنىڭ جەتىستىكتەرىنەن جارىسا ايتادى. ارينە، اتا- انانىڭ بالاعا ءبىلىم بەرگىسى كەلەتىنى جاقسى. ءبىراق كەيدە ەرەسەكتەر ءبىر ماڭىزدى نارسەنى ەستەن شىعارىپ الىپ جاتادى:

 بالا ءوز جاسىنا ساي دامۋى كەرەك. مىسالى، قابىرعانى سىزۋ نەمەسە سورەدەگى زاتتاردى شاشۋ -  تەنتەكتىك ەمەس، ول دا بالانىڭ اينالاسىن زەرتتەۋىنىڭ ءبىر جولى. سول سەكىلدى شىدامدىلىققا كەلسەك، 3 جاسار بالانى جارتى ساعاتقا پارتاعا وتىرعىزۋىڭىز ايقايمەن اياقتالادى. باستىسى، بالادان ول ءازىر دايىن ەمەس نارسەنى تالاپ ەتپەڭىز. ونىڭ ورنىنا ءوزىڭىزدى ۇلگى ەتىپ كورسەتىڭىز. مىسالى، بالاعا كورىنەتىن جەرگە وتىرىپ، ءتۇرلى ءتۇستى سۋرەتتەرى بار كىتاپ وقىڭىز. بىرنەشە مينۋتتان سوڭ ول ءوزى- اق قاسىڭىزعا كەلىپ، قىزىعۋشىلىق ءبىلدىرۋى مۇمكىن.

 بالالار تابيعاتىنان بىلۋگە قۇمار بولىپ كەلەدى، سوندىقتان شامامەن 2,5-3 جاسىنان باستاپ "نەگە" دەگەن سۇراقتاردى ءجيى قويادى. سول كەزدە بالا سۇراعىنان قاشپاي، تۇسىنىكتى تىلدە تۇسىندىرۋگە تىرىسىڭىز. ەگەر بالا سۇراعىنا "قويشى"، "بىلمەيمىن"، "نەگە سۇراي بەرەسىڭ؟ "، "ارتىنان ايتامىن" دەي بەرسەڭىز، بالانىڭ جاڭا نارسەنى بىلۋگە دەگەن قىزىعۋشىلىعى بىرتىندەپ سونە بەرەدى.

ويناۋ پايداسىز ۋاقىت وتكىزۋ ەمەس ويناۋ بالا قيالىنىڭ جانە سويلەۋىنىڭ دامۋىنا ىقپال ەتەدى. ويناۋ -  بالانىڭ الەمدى تانۋىنىڭ جانە ونداعى ءوز ورنىن تابۋىنىڭ نەگىزگى جولى. جاڭا ءبىلىم دە بالاعا ويىن ارقىلى وڭايىراق سىڭەدى. مىسالى، بالا الەمدى زەرتتەۋشى قاھارمان بولاتىن ەرتەگى ويلاپ تابۋعا بولادى. بۇل ونىڭ زەيىنىن ۇزاققا دەيىن ساقتاۋعا كومەكتەسەدى. ەرتەگى ارقىلى بالاعا پايدالى ماعلۇماتتار بەرە الاسىز. ەستە ساقتاۋدىڭ ءتيىمدى جولى -  قايتالاۋ نەمىس پسيحولوگى گەرمان ەببينگاۋز ەستە ساقتاۋ مەحانيزمىن زەرتتەپ، ادام وقىپ بىلگەن اقپاراتىنىڭ 50 پايىزىن ەكىنشى كۇنى ۇمىتا باستايدى.

بالالار ءۇشىن وقىعاننان تۇسىنگەنىن سۇراۋ جانە كورگەنىن تالقىلاۋ وتە ماڭىزدى. ءبىراق بۇل پروتسەستى قانداي دا ءبىر تەستىلەۋگە نە ەمتيحانعا اينالدىرماڭىز. ەرەسەك ادامنىڭ شىنايى قىزىعۋشىلىعى بالانىڭ تابيعي تۇردە ءوز ويىمەن بولىسۋىنە يتەرمەلەيدى. بالاڭىزبەن سويلەسىڭىز، قىزىعۋشىلىق ءبىلدىرىڭىز: "بالام، نە وقىپ جاتىرسىڭ؟ ال مىنا كەيىپكەر كىم؟ ". بالا ول نارسەنىڭ ءسىز ءۇشىن شىنىمەن ماڭىزدى ەكەنىن تۇسىنگەن كەزدە ول كىتاپ، فيلم نە ۆيدەو تۋرالى ءوز بىلگەنىمەن قۋانا- قۋانا بولىسە كەتەدى. تالقىلاۋ پروتسەستەرى بالانىڭ ويلاۋىن، سوزدىك قورىن جانە سويلەۋ قابىلەتىن دامىتادى.

Massaget.kz