اسقار مامين جاس دارىگەرلەردىڭ اۋىلدا قالۋىنا جاعداي جاساۋدى تاپسىردى
«جاس مامانداردىڭ اۋىلداردا تۇراقتى جۇمىس ىستەپ، ەلدى مەكەندەردە قالۋىن قامتاماسىز ەتۋ ماقساتىندا الەۋمەتتىك قولداۋ كورسەتۋ ماسەلەلەرىن قاراستىرۋدى تاپسىرامىن. مىسالى، سولتۇستىك قازاقستان جانە تۇركىستان وبلىستارىندا جاس ماماندارعا جوعارى كوتەرمەاقى تولەنەدى. ال باتىس قازاقستان جانە قاراعاندى وبلىستارىندا تۇرعىن ۇيمەن قامتاماسىز ەتۋ جۇمىسى ۇيىمداستىرىلعان»، - دەدى اسقار مامين.
وسى رەتتە ۇكىمەت باسشىسى ءوڭىر اكىمدەرىنە مۇنداي باستامالارعا كوڭىل ءبولۋ كەرەكتىگىن ەسكەرتتى.
«ەلباسىنىڭ تاپسىرماسىن ءتيىمدى ورىنداۋ ماقساتىندا العاشقى مەديتسينالىق-سانيتارلىق كومەكتى دامىتۋ بويىنشا ءىس-شارالار جوسپارىن ۇكىمەت دەڭگەيىنە كوتەرىپ، ءبىر ايدىڭ ىشىندە پرەمەر-مينيستر كەڭسەسىنە بەكىتۋ ءۇشىن ەنگىزۋدى تاپسىرامىن. گۇلشارا ناۋشا قىزى، وسى ماسەلەنى جەكە باقىلاۋىڭىزعا الىڭىز»، - دەدى پرەمەر- مينيستر ءوزىنىڭ ورىنباسارى گ. ءابدىقالىقوۆاعا قاراتا.
