10:06, 02 - ءساۋىر 2019 | GMT +6
توقايەۆ: پرەزيدەنت اۋىسقاندا ۇكىمەتتىڭ قوسا اۋىسۋى مىندەتتى ەمەس
نۇر-سۇلتان. قازاقپارات - پرەزيدەنت اۋىسقاندا ۇكىمەتتىڭ قوسا اۋىسۋى مىندەتتى ەمەس. بۇل تۋرالى مەملەكەت باسشىسى قاسىم-جومارت توقايەۆ «Egemen Qazaqstan»گازەتىنە بەرگەن سۇحباتىندا ايتتى.
«پرەزيدەنت اۋىسقاندا ۇكىمەتتىڭ قوسا اۋىسۋى مىندەتتى ەمەس. ۇكىمەت جاقىندا عانا جاساقتالعانى بەلگىلى. قازىر كوپتەگەن قاۋىرت جۇمىستار بار. مينيسترلەرگە ناقتى تاپسىرمالار بەرىلدى. سەزد تاپسىرمالارىن ورىنداۋ، كوكتەمگى تاسقىن قاۋپىنىڭ الدىن الۋ، ەگىس ناۋقانى سياقتى ماڭىزدى ماۋسىمدىق مىندەتتەر تۇر. سوندىقتان قازىرگى كەزدە ۇكىمەتتى اۋىستىرۋدىڭ قاجەتتىلىگىن كورىپ تۇرعان جوقپىن. ال، جەكەلەگەن ۇكىمەت مۇشەلەرىنىڭ قىزمەتى ولاردىڭ اتقارعان ناقتى جۇمىستارىنا قاراي باعالانادى»، - دەدى ول سۇحباتتا.
