ەنەرگەتيكالىق سۋسىنداردى كوپ ىشكەن ەر ادامنىڭ ءتىلى كۇيىپ قالدى
بۇل تۋرالى Daily Mail باسىلىمى حابارلايدى.
دەن رويالس جەلىدە جاراعا تولى ءتىلىنىڭ سۋرەتىن جاريالاپ، ۇزاق ۋاقىت بويى كۇندەلىكتى 5-6 قۇتى ەنەرگەتيكالىق سۋسىن ىشكەنىن جازعان. دارىگەرلەر وعان سۋسىنداردىڭ ءتىلىن كۇىدىرىپ جىبەرگەنىن ايتىپتى.
دەن سونىمەن قاتار شىلىم شەگەتىنىن مويىندادى. الايدا بۇل زياندى ادەتى ءتىلىنىڭ كۇيىپ قالۋىنا اسەر ەتۋى مۇمكىن ەمەس دەپ سانايدى.
«مەن اۋىز قۋىسىمنىڭ ساۋلىعىنا ءمان بەرەمىن. الايدا ەنەرگەتيكالىق سۋسىندار ءۇشىن وسىلاي بولدى. مەنىڭ تىلىمە قاراپ، بۇل سۋسىنداردىڭ ىشكى اعزالارىمىزعا قالاي اسەر ەتەتىنىن ويلاڭىزدارشى» ، - دەيدى رويالس.
دەن ىشكەن ەنەرگەتيكالىق سۋسىنداردىڭ ءار قۇتىسىندا 58 گرامم قانت بولعان.
دۇنيەجۇزىلىك دەنساۋلىق ساقتاۋ ۇيىمىنىڭ زەرتتەۋى قۇرامىندا قانت كوپ جانە قىشقىلدىعى جوعارى سۋسىندار ءتىس مەن اۋىز قۋىسىنا زيانىن تيگىزۋى مۇمكىن ەكەنىن راستايدى.
