13:10, 01 - ءساۋىر 2019 | GMT +6
يزرايلدەن الەمدەگى ەڭ ۇزىن تۇزدى ۇڭگىر تابىلدى
نۇر-سۇلتان. قازاقپارات - الەمدەگى ەڭ ۇزىن تۇزدى ۇڭگىر يزرايلدەن تابىلدى. ونىڭ ۇزىندىعى 10 شاقىرىم. ۇڭگىر ءولى تەڭىز ماڭىنداعى سادوم ءدوڭىنىڭ تۇسىندا ورنالاسقان.
حريستيانداردىڭ كيەلى كىتابىندا كەلتىرىلگەندەي، اسپاننان جاۋعان وت سادوم مەن گاموررانى جويىپ جاتقانىن كورۋ ءۇشىن ارتىنا جالت قاراعان لوتتىڭ ايەلى سول مەزەتتە تۇزدى مۇسىنگە اينالىپ كەتكەن ەكەن. عالىمدار بۇل شامامەن وسى وڭىردە بولۋى مۇمكىن دەگەندى ايتادى.
ۇڭگىر جۇزدەگەن قالتارىستان تۇرادى. ول يرانداعى 7 شاقىرىمدى قۇرايتىن «ءۇش جالاڭاشتىڭ ۇڭگىرىنەن» اسىپ تۇسكەن. توعىز ەلدىڭ عالىمدارى ەكى جىل بويى سادوم ۇڭگىرىن زەرتتەپ، ءاربىر قالتارىسى مەن جەراستى جولىن كارتاعا تۇسىرگەن.
