سەمەيدە ۇلتتىق ۇلان وفيتسەرى سۋعا باتىپ بارا جاتقان ادامدى قۇتقارىپ الدى

سەمەي. قازاقپارات - سەمەيدە ق ر ۇلتتىق ۇلان لەيتەنانتى قۇتقارۋشىلار كەلگەنشە سۋعا كەتە جازداعان ادامدى قۇتقارىپ قالدى، دەپ حابارلايدى قازاقپارات ءتىلشىسى ش ق و ت ج د باسپا ءسوز قىزمەتىنە سىلتەمە جاساپ.

وقىس وقيعا كەشە ەرتىس وزەنىندە تىركەلگەن. قىزمەت بابىندا جۇرگەن كەزىندە روتا كومانديرىنىڭ ورىنباسارى ايبەك يسايەۆ كومەككە شاقىرعان ادامنىڭ داۋىسىن ەستىپ قالادى. وفيتسەر وزەندە ەگدە ادامنىڭ سۋعا باتىپ بارا جاتقانىن كورەدى. كەيىن انىقتالعانىنداي، 1937 -جىلعى قارت بالىقشى مۇزدىڭ قالىڭدىعىن ەسكەرمەي، وقىس جاعدايعا تاپ بولعان ەكەن.

«كومەككە مۇقتاج ادامدى كورگەننەن كەيىن مەن ويلانباستان سۋعا قاراي جۇگىردىم. بۋشلاتىمدى شەشىپ، مۇز ۇستىندە بارىنشا قاشىقتىقتى ساقتاۋعا تىرىستىم. الايدا ەر ادامعا جاقىنداۋ استە مۇمكىن بولمادى. ءسال شالىس باسسام وزىمە دە قاۋىپ تونەر ەدى»، - دەيدى ايبەك يسايەۆ.

№5511 -اسكەري ءبولىمىنىڭ لەيتەنانتى زارداپ شەككەن ادامعا ۇسىنىلعان تاقتاعا جاقىنداپ، مىقتاپ ۇستاۋ كەرەكتىگىن تۇسىندىرەدى. قارت ادام بەرگەن كەڭەستى ەكى ەتپەي ورىنداعان سوڭ اسكەري قىزمەتشى ونى جاعاعا الىپ شىققان. لەيتەنانت يسايەۆ وسىدان كەيىن قۇتقارۋشىلاردى شاقىرعان.

بالىقشى دا، اسكەري قىزمەتشى دە مەديتسينالىق كومەككە مۇقتاج بولماپتى. ت ج د- دان حابارلاعانداي، وتكەن اپتادا دا وسىنداي جاعدايدىڭ تىركەلگەنىن ەسكەرتەدى. بالىقشىلار ءوزىنىڭ اۋەسقويلىعىمەن ومىرىنە قاۋىپ ءتوندىرىپ جاتقانىن ەسكەرە بەرمەيدى.