ەكسپو اۋماعىنداعى تۇرعىن ۇيلەردى ساتۋ تاعى دا توقتاتىلدى

نۇر-سۇلتان. قازاقپارات - «بايتەرەك دەۆەلوپمەنت» ا ق ەكسپو اۋماعىندا ورنالاسقان پاتەرلەردى ساتۋ تاعى دا توقتاتىلعانىن حابارلادى.

بۇل جولى پاتەرلەردى ساتۋدى توقتاتا تۇرۋعا «ARTA Software» ج ش س باعدارلامالىق قامتاماسىز ەتۋ قىزمەتىندە كەدەرگىلەردىڭ تۋىنداۋى سەبەپ بولدى.

«EXPO Residence تۇرعىن ۇيلەرىندەگى پاتەرلەردى ونلاين ساتۋ ءۇشىن اتالعان پورتالدى جاساۋشى «ARTA Software» ج ش س- مەن كەلىسىم جاسالعان. قازىرگى تاڭدا «ARTA Software» كەدەرگىلەردى جويۋ ءۇشىن بارلىق امالداردى جاساپ جاتىر» دەلىنگەن حابارلامادا.

EXPO Residence اۋماعىنداعى پاتەرلەرگە سۇرانىستىڭ جوعارىلىعىنا بايلانىستى «بايتەرەك دەۆەلوپمەنت» قۇجات قابىلداۋدىڭ التەرناتيۆتى تۇرلەرىن دە قاراستىرىپ كورمەك.

«كومپانيا كەلتىرىلگەن ىڭعايسىزدىقتار ءۇشىن كەشىرىم سۇرايدى. ساتۋ جۇمىسى باستالاتىن جاڭا داتا قايتا حابارلانادى»، - دەپ مالىمدەدى كومپانيا وكىلەرى.

ەسكە سالا كەتسەك، ساتىپ الۋشى پاتەردى قولما- قول اقشاعا نەمەسە يپوتەكا رەسىمدەۋ ارقىلى الۋ مۇمكىندىگىنە يە. ەنگىزىلگەن جاڭا مەحانيزم بويىنشا %20 باستاپقى جارنانى تولەۋ ارقىلى 12 جىلعا 3 پايىزدىق ۇستەماقىمەن الۋعا بولادى. ءبولىپ تولەۋ ارقىلى ساتىپ الۋشى تەك 1 پاتەردەردى ساتىپ الا الادى. كولىك تۇراعىن ساتىپ الۋ اتالمىش جۇيەگە كىرمەيدى.

ەكسپو قالاشىعىنداعى پاتەرلەردىڭ كولەمى 39,6 دان -123,4 شارشى مەترگە دەيىن ءبىر، ەكى، ءۇش جانە ءتورت بولمەلى پاتەرلەردى ساتىپ الۋعا بولادى. باسپانالار Ⅱ ساناتتاعى بيزنەس جايلىلىققا سايكەس جانە تازا ارلەنگەن. ءبىر شارشى مەتردىڭ باعاسى 399900 تەڭگەنى، ال كولىك تۇراعى 735000 تەڭگەنى قۇرايدى.

ءوتىنىش بەرۋ ءۇشىن كەز كەلگەن ازامات ەڭ الدىمەن Digital Baiterek سايتىندا تىركەلۋى كەرەك.

ءوتىنىش بەرۋ ءۇشىن قاجەتتى اقپاراتتىڭ تولىق نۇسقاسىن مىنا سىلتەمەگە ءوتۋ ارقىلى تانىسۋعا بولادى.