قاسىم-جومارت توقايەۆ ساۋد ارابياسىنىڭ كورولىمەن تەلەفون ارقىلى سويلەستى
اڭگىمەلەسۋ بارىسىندا ساۋد ارابياسىنىڭ كورولى سالمان بەن ابدەل ءازيز ءال ساۋد قاسىم- جومارت توقايەۆتى قازاقستان پرەزيدەنتى لاۋازىمىنا كىرىسۋىمەن قۇتتىقتاپ، جوعارى مەملەكەتتىك قىزمەتىنە تابىس تىلەدى.
قاسىم-جومارت توقايەۆ قۇتتىقتاعانى ءۇشىن ساۋد ارابياسىنىڭ كورولىنە ريزاشىلىق ايتىپ، قازاقستان مەن ساۋد ارابياسى اراسىنداعى دوستىق قارىم- قاتىناستار ەكى ەلدىڭ يگىلىگى جولىندا ودان ءارى نىعايا تۇسەتىنىنە سەنىم ءبىلدىردى.
مەملەكەت باسشىسى ەلباسىنىڭ ساۋد ارابياسىمەن ىنتىماقتاستىقتى دامىتۋداعى زور ەڭبەگىن اتاپ ءوتىپ، ءوزارا ءتيىمدى بايلانىستاردى نىعايتۋعا باعىتتالعان جۇمىستاردىڭ جالعاسا بەرەتىنىن ايتتى.
ەلدەر كوشباسشىلارى ەكى جاقتى ساۋدا- ەكونوميكالىق جانە ينۆەستيتسيالىق ىنتىماقتاستىقتى ءارى قاراي كەڭەيتۋگە نيەتتى ەكەندەرىن اتاپ ءوتتى.
تەلەفون ارقىلى سويلەسۋگە ساۋد ارابياسى جاعى باستاماشى بولدى.
