ەلوردادا جاس پەداگوگتار فورۋمى وتەدى

None
None
نۇر-سۇلتان. قازاقپارات - شارا ناتيجەسىندە 20 ۇزدىك جاس مامان انىقتالادى، دەپ حابارلايدى ەلوردا ينفو قالالىق ءبىلىم باسقارماسىنا سىلتەمە جاساپ.

«ەلوردالىق ءبىلىم: جاڭا ۇرپاق پەداگوگى» اتتى فورۋم جاس پەداگوگيكالىق قىزمەتكەرلەردىڭ شىعارماشىلىق قابىلەتتەرىن دامىتۋعا، كاسىبي شەبەرلىگىنىڭ دەڭگەيىن جوعارىلاتۋعا جانە نۇر-سۇلتان قالاسىنىڭ ءبىلىم بەرۋ باسىمدىقتارىمەن تانىستىرۋعا باعىتتالعان.

ونداعى ماقسات - جاس پەداگوگتاردىڭ ورتاق شىعارماشىلىق پەداگوگيكالىق ورتاسىن قۇرۋ جانە جاستاردىڭ ازاماتتىق جانە قوعامدىق باستامالارىن دامىتۋ مەن بەلسەندى شىعارماشىلىق قىزمەتكە ارالاستىرۋ ءۇشىن بىرىكتىرۋ.

شاراعا جالپى ءبىلىم بەرۋ مەكەمەلەرىنىڭ 28 جاسقا دەيىنگى، 3 جىلدان اسپايتىن پەداگوگيكالىق ءوتىلى بار پەداگوگيكالىق قىزمەتكەرلەرى قاتىسادى.

ايتۋلى ءبىلىم شاراسىنا ەلوردانىڭ ارنايى تاڭداپ الىنعان ءار مەكەمەسىنەن 2 پەداگوگ، بارلىعى 200 جاس مامان قاتىسادى. ەسسە قورىتىندىسى بويىنشا 20 جەڭىمپاز انىقتالدى. ءبىرى ەسسە جازۋ بولسا، ەكىنشىسى جەرەبە تاستاۋ ارقىلى 4 كومانداعا ءبولىندى: «Нағыз Teachers» ،«ЖасStar» ،«Young people»، «ۇشقىن».

فورۋم تومەندەگىدەي ءىس- شارالاردان قۇرالادى:

1) «قالالىق ءبىلىم باسقارماسى جانە «ادىلەت» ءبىلىم بەرۋ قىزمەتكەرلەرىنىڭ قالالىق كاسىپوداعى» قب وكىلدەرىمەن كەزدەسۋلەر.

2) «مەكتەپ - قازىنا ارالى» شىعارماشىلىق ستۋدياسى. «مەن پەداگوگپىن» تاقىرىبىندا اۋداندار توبى بويىنشا تۇساۋكەسەر (ۋاقىت: 10 مينۋتتان اسپاۋى كەرەك)؛

3) «جەتىستىككە دەگەن العاشقى قادامدار» اتتى ينتەربەلسەندى ورتا. اۋداندار بويىنشا توپتاردىڭ ينتەربەلسەندى تاپسىرمالاردى ورىنداۋى (ۋاقىت: 10 مينۋتتان اسپاۋى كەرەك)؛

4) «ادىستەمەلىك كالەيدوسكوپ» بىلىمدىلىك كۆەستى. اۋداندار جانە تاقىرىپتار بويىنشا جاس پەداگوگتار توبىنىڭ قىزمەتىنە بايلانىستى شەبەرلىك ساعاتى (ۋاقىت: 15 مينۋتتان اسپاۋى كەرەك).

فورۋمنىڭ بارلىق قاتىسۋشىلارىنا سەرتيفيكاتتار ۇسىنىلادى. نوميناتسيالار بويىنشا جەڭىمپازدار گراموتا جانە سىيلىقتارمەن ماراپاتتالادى.

شارانى قالالىق ءبىلىم باسقارماسى «ادىلەت» ءبىلىم بەرۋ قىزمەتكەرلەرىنىڭ قالالىق كاسىپوداعىمەن بىرلەسىپ وتكىزەدى. وتەتىن ورنى م. وتەمىس ۇلى اتىنداعى وقۋشىلار سارايى.

 

سوڭعى جاڭالىقتار