اتىراۋدا پوليتسەي ايەلدى بايقاۋسىزدا اتىپ الدى

نۇر-سۇلتان. قازاقپارات - اتىراۋ قالاسىنداعى حالىقارالىق اۋەجايدا پوليتسيا قىزمەتكەرى ايەلدى بايقاۋسىزدا اياعىنان اتىپ الدى، دەپ حابارلايدى قازاقپارات كولىكتەگى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

«29 -ناۋرىز كۇنى اتىراۋ قالاسىنداعى حالىقارالىق اۋەجايدا جەكە تەكسەرۋ بولمەسىندە پوليتسيا جەلىلىك ءبولىمىنىڭ پاترۋل-بەكەت قىزمەتكەرى ابايسىزدا قارۋمەن وق اتىپ العان. وقيعا ساعات 17.40 كەزىندە پوليتسيا قىزمەتكەرى بانك ينكاسساتورىنىڭ قارۋىن تەكسەرۋ بارىسىندا ورىن العان. وقيعا سالدارىنان قالا تۇرعىنىنىڭ اياعىنا وق ءتيىپ، جاراقات العان. ايەل بىردەن مەديتسينالىق مەكەمەگە جەتكىزىلدى»، - دەلىنگەن دەپارتامەنتتىڭ حابارلاماسىندا.

اتالعان جاعداي بويىنشا قازىرگى ۋاقىتتا تەرگەۋ امالدارى جۇرگىزىلىپ جاتىر.