ق ر پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى تاعايىندالدى

None
None
نۇر-سۇلتان. قازاقپارات - مەملەكەت باسشىسىنىڭ وكىمىمەن ساتىبالدى ەرەس ۇلى بۇرشاقوۆ قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى بولىپ تاعايىندالدى، دەپ حابارلايدى اقوردا.

سونداي-اق، مەملەكەت باسشىسىنىڭ وكىمىمەن ءادىل قاپان ۇلى تۇرسىنوۆ باسقا جۇمىسقا اۋىسۋىنا بايلانىستى قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى قىزمەتىنەن بوساتىلدى.

ساتىبالدى ەرەس ۇلى بۇرشاقوۆ 1968 -جىلى 24 -تامىزدا دۇنيەگە كەلگەن.

الماتى پەداگوگيكالىق شەت تىلدەر ينستيتۋتىن ءتامامداعان، ماماندىعى بويىنشا اعىلشىن جانە ورىس تىلدەرىنىڭ مۇعالىمى. «كلينگەنداەل» نيدەرلاندى حالىقارالىق قاتىناستار ينستيتۋتىندا تاعىلىمدامادان وتكەن، شەتەل قىزمەتى اكادەمياسى كۋرسىن اياقتادى. (يسلاماباد).

ديپلوماتتىق دارەجەسى - Ⅱ سىنىپتى كەڭەسشى.

قازاق مەملەكەتتىك حالىقارالىق قاتىناستار جانە الەم تىلدەرى ۋنيۆەرسيتەتىنىڭ وقىتۋشىسى، قازاقستان رەسپۋبليكاسى سىرتقى ىستەر مينيسترلىگىنىڭ رەفەرەنتى، اتتاشەسى، ءبىرىنشى حاتشىسى، كەڭەسشىسى، ءبولىم باستىعى، قازاقستان رەسپۋبليكاسىنىڭ ۆەنگريا رەسپۋبليكاسىنداعى ەلشىلىگىنىڭ اتتاشەسى، ءۇشىنشى حاتشىسى، ەكىنشى حاتشىسى، قازاقستان رەسپۋبليكاسىنىڭ بەلگيا كورولدىگىندەگى ەلشىلىگىنىڭ ءبىرىنشى حاتشىسى، كەڭەسشىسى، قازاقستان رەسپۋبليكاسى پارلامەنتى سەناتى اپپاراتى پارلامەنتارالىق بايلانىس جانە حالىقارالىق ىنتىماقتاستىق ءبولىمى مەڭگەرۋشىسىنىڭ ورىنباسارى بولىپ قىزمەت ىستەگەن.

سوڭعى جاڭالىقتار