نيۋ-يوركتە تۇراتىن قازاق پوليتسەي شالقار اقىمعاليەۆتى ەسكە الۋ ءۇشىن قارالى لەنتا تاقتى
«بۇل وقيعا تۋرالى كوپ ادام ماعان حات جازىپ، پىكىرىمدى سۇرادى. كەيبىرەۋلەر «سۋعا سەكىرمەس بۇرىن ويلانۋى كەرەك ەدى» دەپ جاتىر. مەنىڭ ايتارىم بىرەۋ عانا: شالقار - ناعىز باتىر. ول پوليتسيادا لايىقتى ازاماتتار ەڭبەك ەتىپ جۇرگەنىن دالەلدەدى. قازاقستاننىڭ ىشكى ىستەر مينيسترلىگىنە وسىنداي باتىردى تاربيەلەپ شىعارعانى ءۇشىن مىڭ العىس. ءبىز، نيۋ-يورك پوليتسياسىنداعىلار مارقۇمنىڭ وتباسىنا، دوستارى مەن قىزمەتتەستەرىنە قايعىرىپ، كوڭىل ايتامىز. پاترۋل ءداستۇرى بويىنشا ءبىز قازا تاپقان وفيتسەرگە دەگەن قۇرمەتىمىزدى ءبىلدىرۋ ءۇشىن ونى جەرلەگەنگە دەيىن قارالى لەنتا تاعىپ ءجۇرۋىمىز كەرەك. شالقار قازاقستاندا كوز جۇمسا دا، مەن ونىڭ ەرلىگىنە باس ءيىپ، مارقۇمنىڭ تۋعان كۇنىنە دەيىن توسبەلگىمە قارالى لەنتا تاعىپ جۇرەم دەپ شەشتىم. بۇل جاڭالىق ءبىزدى ەسەڭگىرەتىپ كەتتى، سوندىقتان مەن ونىڭ مەموريالى ءۇشىن GoFundMe.сом سايتىندا قاراجات جيناۋدى باستادىم»، - دەپ جازادى ا ق ش- تىق پوليتسەي.
ەسكە سالا كەتەيىك، قايعىلى جاعداي 21- ناۋرىز كۇنى كەشكىسىن اتىراۋداعى قالالىق كوپىردىڭ ماڭىندا بولعان. وقيعا ورنىنا ءبىرىنشى بولىپ جەتكەن پاترۋل پوليتسياسىنىڭ سەرجانتى شالقار اقىمعاليەۆ ويلانباستان مۇزداي سۋعا سۇڭگىپ، وزىنە قول جۇمساۋعا بەكىنگەن قىزدى قۇتقارىپ قالدى. الايدا، ءوزى سۋعا كەتتى. ەرجۇرەك شالقار 1- ءساۋىر كۇنى 25 جاسقا تولاتىن ەدى.