تىكۇشاق اپاتىنان قازا تاپقانداردىڭ وتباسىنا وبلىس اكىمدىگى كومەك بەرمەك

None
None
اقتاۋ. قازاقپارات - ماڭعىستاۋ وبلىسىنىڭ اكىمدىگى تىكۇشاق اپاتىنان قازا تاپقان اسكەري قىزمەتكەرلەردىڭ وتباسىنا 1 ميلليون تەڭگەدەن كومەك بەرىلەدى، دەپ حابارلايدى قازاقپارات ءتىلشىسى.

بۇگىن وبلىس اكىمى ەرالى توعجانوۆ قۇلاعان تىكۇشاقتىڭ تىزگىنىندە بولعان ەسكادريليا كومانديرىنىڭ ورىنباسارى، مايور رومان كوستىگوۆتىڭ وتباسىنا بارىپ، كوڭىل ايتىپ قاجەتتى كومەكتىڭ كورسەتىلەتىنىن جەتكىزدى.

«قايعىلى وقيعادا قازا تاپقان، ماڭعىستاۋدا 30153 اسكەري بولىمىندە اسكەري مىندەتىن اتقارىپ ءجۇرىپ، مارقۇم بولعان قىزمەتكەرلەردىڭ وتباسىنا ماڭعىستاۋ وبلىسى اكىمدىگى اتىنان 1 ميلليون تەڭگە كولەمىندى ماتەريالدى كومەك كورسەتىلەدى» - دەدى وبلىس اكىمى ەرالى توعجانوۆ.

ەسكە سالا كەتسەك، ق ر ءى ءى م ت ج ك باسپا ءسوز قىزمەتى بۇعان دەيىن قىزىلوردا وبلىسىنىڭ جالاعاش اۋدانىندا مي-8 تىكۇشاعى اپاتقا ۇشىراعانىن حابارلاعان بولاتىن.

قورعانىس مينيسترلىگىنىڭ اقپاراتىنا سايكەس، اتالعان تىكۇشاق 4 بىردەي اسكەري تىكۇشاق قۇرامىنان تۇراتىن بولىممەن بىرگە اقتاۋ قالاسىنان شىمكەنتكە ۇشىپ بارا جاتقان. ۇشۋ ساپارى ارنايى بولىمشەلەردىڭ «التىن جەبە» كەشەندى وقۋ جانە جاتتىعۋ اياسىندا قاراڭعىدا ءارى كۇردەلى مەتەورولوگيالىق جاعدايدا جۇرگىزىلگەن.

تىكۇشاقتا بولعان 13 ادام قازا تاپتى.

 

سوڭعى جاڭالىقتار