الەمنىڭ ءار بۇرىشىندا تىركەلگەن سوڭعى ۋاقىتتاعى ءىرى اۋە اپاتتارى

None
None
 نۇر- سۇلتان. قازاقپارات - 27 - ناۋرىزدا قىزىلوردا وبلىسىندا مي-8 اسكەري تىكۇشاعىنىڭ اپاتقا ۇشىراۋى ادەتتەگىدەي قوعامدا ءبىرشاما الاڭداۋشىلىق تۋعىزىپ وتىر.

 قازاقستان رەسپۋبليكاسىنىڭ قورعانىس مينيسترلىگى تىكۇشاق جاتتىعۋ بارىسىندا كوككە كوتەرىلگەنىن حابارلادى. بورتتاعى 13 اسكەري قىزمەتشىنىڭ ءبارى قازا تاپقان.

اۆياتسيا ەڭ قاۋىپسىز قوزعالىس قۇرالى دەسەك تە، الەمنىڭ ءار بۇرىشىندا اۋە اپاتتارىنىڭ ورىن الىپ جاتاتىنى راس. قازاقپارات ءتىلشىسى بۇل ماقالادا سوڭعى ۋاقىتتا تىركەلگەن اۋە اپاتتارى جايلى مالىمەتتەردى ۇسىنادى.

مي-8 - ادام كوپ سىياتىن تىكۇشاقتاردىڭ ءبىرى

 1965 -جىلى قۇرالا باستاعان مي-8 تىكۇشاعى الەمدەگى ۆينتوقاناتتى اۋە كولىكتەرىنىڭ ەڭ كوپ تارالعان مودەلدەرىنىڭ ءبىرى. ءارتۇرلى مودەفيكاتسيا مەن ءتۇرلى نۇسقالارى بويىنشا مي-8 تىكۇشاعىنىڭ 12 مىڭنان استام بىرلىگى قۇراستىرىلعان. جالپى، بۇل اۋە كولىگى كوپتەگەن ەلدەر ازاماتتىق جانە اسكەري ماقساتتار ءۇشىن ساتىپ الاتىن تىكۇشاقتاردىڭ سەنىمدى ء(بىر ۋاقىتتا ۇكىمەتتىك سالون رەتىندە وندىرىلگەن) ءتۇرى بولىپ سانالادى. بۇل اۋە كولىگىنىڭ كوپتەپ شىعارىلۋى سەبەپتى باق- تا وعان قاتىستى اپات جاعدايلارى جايلى مالىمەتتەردى ءجيى كەزدەستىرۋگە بولادى.

مىسالى، 2018 -جىلدىڭ اقپان ايىندا ەفيوپيا اسكەري- اۋە كۇشتەرىنە قاراستى مي-8 اسكەري تىكۇشاعىنىڭ اپاتى سالدارىنان 3 ادام قازا تاۋىپ، 10 ادام جاراقات العان ەدى.

Әлемнің әр бұрышында тіркелген соңÒ

سول سەكىلدى مي-8 ۇشاعىنىڭ اپاتى 2018 -جىلدىڭ شىلدەسىندە تاجىكستاندا تىركەلدى. ول ەلدە الپينيستەر وتىرعان (كوپشىلىگى رەسەي ازاماتتارى) تىكۇشاق تاۋعا جايسىز قونىپ، اپاتقا تاپ بولعان. وقيعا سالدارىنان 3 رەسەيلىك الپينيست جانە 2 ەكيپاج مۇشەسى قازا تاپتى. 13 ادام امان قالدى. اپاتتىڭ سەبەبى - قاتتى جەل مەن كورۋ- باقىلاۋ جاعدايىنىڭ كۇردەلەنگەن كەزى ەكەنى انىقتالعان.

2018 -جىلدىڭ تامىز ايىندا مي-8 رەسەي فەدەراتسياسىنىڭ چەليابى وبلىسىنداعى اەرودرومعا قاتتى قونىپ، ورتەنىپ كەتتى. زارداپ شەككەندەر بولعان جوق.

سونداي- اق، 2018 -جىلدىڭ تامىز ايىندا رەسەي فەدەراتسياسىنىڭ كراسنويارسك اۋماعىندا مۇنايشىلار تاسىمالدايتىن مي-8 ۇشاعى قۇلادى. اپاتتان كەيىن تىكۇشاق تولىعىمەن ورتەنىپ كەتكەن بولاتىن. 3 ادام مەن 15 ەكيپاج مۇشەسى قازا تاپتى. وقيعا كەزىندە تىكۇشاقتىڭ ەكيپاجى كىنالى دەپ تانىلدى.

2018 -جىلدىڭ قىركۇيەگىندە رەسەيدىڭ يركۋتسك وبلىسىندا مي-8 ۇشاعى اپاتقا ۇشىراپ، 3 ادام كوز جۇمعان بولاتىن.

2018 -جىلدىڭ قاراشاسىندا مي-8 رەسەي فەدەراتسياسىنىڭ تۆەر وبلىسىندا ماگيسترالدىق گاز قۇبىرى ۇستىنەن ۇشىپ بارىپ، جەرگە قاتتى قونعان تىكۇشاق تا قايعىلى جاعدايعا سەبەپكەر بولدى.

2018 -جىلدىڭ جەلتوقسان ايىندا رەسەي فەدەراتسياسىنىڭ توم وبلىسىندا مي-8 تىكۇشاعى جايسىز قونىپ، جولاۋشىلار جاراقات العان ەدى. تىكۇشاقتىڭ ءساتسىز قونۋىنا ءشاسسيدىڭ ولقىلىعى سەبەپ بولعان.

سونداي- اق، 2018 -جىلى مي-2 تىكۇشاعىمەن اپاتتار ورىن العان. تامىزدا رەسەي فەدەراتسياسىنىڭ كراسنودار ولكەسىندە ەگىستىك القاپتارىنىڭ ۇستىمەن ۇشىپ كەلە جاتقان مي-2 قۇلاپ، ۇشقىش قازا تاپتى.

 Ó˜Ð»ÐµÐ¼Ð½Ñ–Ò£ әр бұрышында тіркелген соңÒ

Mي-2 ءوندىرىسى 1960- جىلداردىڭ باسىندا ليتسەنزيا بويىنشا پولشادا باستالعان بولاتىن. وسى مودەلدىڭ ءوندىرىسى 1992 -جىلى اياقتالعاندىقتان، قولدانىستاعى قازىرگى مي-2 تىكۇشاقتارىندا زاماناۋي قاۋىپسىزدىك جۇيەلەرى جوق.

 تىكۇشاقتاردىڭ ءبارى دە قۇلايدى

 Ó˜Ð»ÐµÐ¼Ð½Ñ–Ò£ әр бұрышында тіркелген соңÒ

جالپى تىكۇشاق اپاتتارى الەمنىڭ بارلىق ەلدەرىندە ءجيى كەزدەسەتىنىن ايتا كەتۋ كەرەك.

ماسەلەن، 2018 -جىلدىڭ ناۋرىز ايىندا يراكتاعى امەريكالىق تىكۇشاق «HH-60 Pave Hawk» اپاتقا ۇشىراعان. وتكەن جىلى دا وسى ەلدە سوعىسقا قاتىسى بولماسا دا، تىكۇشاقتار مەن ۇشاقتاردىڭ قۇلاۋ جاعدايلارى امەريكادا ءجيى كەزدەسكەن ەدى.

2018 -جىلدىڭ شىلدەسىندە قىرعىزستاندا اسكەري تىكۇشاق قۇلادى. زارداپ شەككەندەر جوق. ەكيپاج مۇشەلەرى جانە ازاماتتار جەڭىل جاراقات الدى.

امەريكا قۇراما شتاتتارىندا 2018 -جىلدىڭ تامىزىندا اسكەري تىكۇشاق اەرودروم اۋماعىندا باردىڭ تۇراعىنا اپاتتى سيپاتتا قونۋعا ءماجبۇر بولدى. قونۋ كەزىندە اۋە كولىگىنەن ءورت شىققان. زارداپ شەككەندەر جوق.

Әлемнің әр бұрышында тіркелген соңÒ

وتكەن جىلدىڭ قازان ايىندا اۋعانستاندا اسكەري تىكۇشاق قۇلاعان كەزدە 25 ادام قازا تاپتى. ودان بۇرىن اقپان ايىندا شەتەلدىك كومپانيانىڭ تىكۇشاعى ورتەنىپ، 2 ادام قايتىس بولدى.

وتكەن جىلدىڭ قازان ايىندا Seahawk MH-60 تىكۇشاعى امەريكاندىق رونالد رەيگان فلوتىنىڭ اۋە كەمەسىنىڭ پالۋباسىنا قۇلادى. زارداپ شەككەندەر جوق.

2018 -جىلدىڭ قاراشاسىندا تۇرىك اۋە كۇشتەرىنىڭ اسكەري تىكۇشاعى ىستانبۇلدا اپاتقا ۇشىراپ، ىشىندەگى 4 سارباز دا امان قالمادى.

2019 -جىلدىڭ قاڭتارىندا شەرۋگە دايىندىق كەزدە ماليدەگى اسكەري تىكۇشاق اپاتقا تاپ بولدى.

  ب ا ق- تا جاريالانعان ءىرى ۇشاق اپاتتارى

 Ó˜Ð»ÐµÐ¼Ð½Ñ–Ò£ әр бұрышында тіркелген соңÒ

ءارتۇرلى ەلدەردە ورىن العان ۇشاق اپاتتارى كوپشىلىكتىڭ نازارىن بىردەن وزىنە تارتادى. سەبەبى، ءبىرىنشى كەزەكتە، ۇلكەن ۇشاقتىڭ قۇلاۋىنىڭ سالدارى، ادەتتە، ادامداردىڭ قازاسىنا اكەلەدى.

مىسالى، 18- اقپان كۇنى «تەگەران- ياسۋس» رەيسىن ورىنداعان Aseman Airlines اۆياكومپانياسىنىڭ ATR-72 جولاۋشىلار ۇشاعى يراننىڭ «يسمايل» پروۆينتسياسىنداعى سەمير قالاسىنا جاقىن جەردە دەنا ۇستىرتىنە سوقتىعىسىپ، اپاتقا ۇشىرادى. بورتتا 66 اداممەن بىرگە ەكيپاج مۇشەلەرى بولعان. ولاردىڭ بارلىعى دا قايتىس بولدى.

وتكەن جىلدىڭ 11 - اقپانىندا ماسكەۋدەن ورسككە ۇشاتىن ان-148 ۇشاعى «دومودەدوۆو» اۋەجايىنان كەتكەننەن كەيىن بىرنەشە مينۋتتان سوڭ رادار ەكرانىنان جوعالىپ كەتكەن. ۇشاقتىڭ قالدىقتارى ماسكەۋ وبلىسىنىڭ رامەنسك اۋدانى ستەپانوۆسكوە اۋىلىنان تابىلدى. بورتتا 71 ادام مەن 6 ەكيپاج مۇشەلەرى بولعان ەدى. ولاردىڭ بارلىعى دا قازا تاپتى.

11 - ساۋىردە يل-76 اسكەري- كولىك ۇشاعى ءالجيردىڭ سولتۇستىگىندەگى بليدا پروۆينتسياسىنىڭ بۋفاريك اۋەجايىنىڭ ماڭىندا اپاتقا ۇشىرادى. ول اۋىل شارۋاشىلىعى القاپتارىندا قۇلاپ، ورتەنىپ كەتكەن. كۋاگەرلەردىڭ ايتۋىنشا، ۇشاق وتە تومەن بيىكتىكتە ۇشىپ بارا جاتقان كەزىندە وڭ قوزعالتقىشى جانىپ تۇرعان. قۇلاعان يل-76 ۇشاعىندا 247 اسكەري قىزمەتشى مەن ولاردىڭ وتباسىلارى، 10 ەكيپاج مۇشەسى بولعان. قايعىلى جاعدايدان ەشكىم دە امان قالعان جوق.

12 - ناۋرىزدا نەپالداعى كاتماندۋ تريبحۋۆان حالىقارالىق اۋەجايى جانىنداعى Bangladeshi اۆياكومپانياسىنىڭ داككا- كاتماندۋ باعىتىنداعى امەريكاندىق- Bangla اۆياكومپانياسىنىڭ ۇشاعى قۇلادى. قونۋ كەزىندە ول ۇشۋ- قونۋ جولاعىنان اجىراپ، اۋەجايدىڭ شىعىس جاعىنداعى فۋتبول الاڭىنا قۇلاعان. اۋە كەمەسى وسىدان كەيىن ورتكە ورانىپ، 49 ادام قازا تاپتى.

 6 - ناۋرىزدا سيرياداعى حمەيميم اەرودرومىندا رەسەي قورعانىس مينيسترلىگىنىڭ «ا ن-26» كولىك ۇشاعى اپاتقا ۇشىرادى. ۇشۋ- قونۋ جولاعىنان شامامەن 500 مەتردەي جەردە ءزىلزالا ورىن العان بولاتىن. بورتتاعى 33 جولاۋشى مەن ەكيپاجدىڭ 6 مۇشەسى قايتىس بولدى.

اۆياتسيا - كولىكتىڭ ەڭ قاۋىپسىز ءتۇرى

 Ó˜Ð»ÐµÐ¼Ð½Ñ–Ò£ әр бұрышында тіркелген соңÒ

جوعارىدا اتالعان جاعدايلارعا قاراماستان، ستاتيستيكا اۋە كەمەلەرىنەن گورى موتوتسيكلدەر مەن كولىكتەر ەڭ قاۋىپتى كولىك قۇرالدارىنا جاتاتىنىن كورسەتەدى. اۆتوكولىك اپاتتارىنان جىل سايىن الەمدە 1,2 ميلليون ادام كوز جۇماتىن كورىنەدى.

 

اۆتور: ايان بەكەن ۇلى

سوڭعى جاڭالىقتار