قازاقستان مەن جاپونيا پارلامەنتشىلەرى ەكىجاقتى ىنتىماقتاستىقتى كەڭەيتپەك

None
None
نۇر-سۇلتان. قازاقپارات - ق ر پارلامەنت ءماجىلىسى ءتوراعاسىنىڭ ورىنباسارى گۇلميرا يسيمبايەۆا جاپونيا پارلامەنتى وكىلدەر پالاتاسىنىڭ سپيكەرى تاداموري وسيمامەن كەزدەستى، دەپ حابارلايدى ءماجىلىستىڭ باسپا ءسوز قىزمەتى.

كەزدەسۋ بارىسىندا گۇلميرا يسيمبايەۆا جاپونيالىق پارلامەنتشىگە وسى جىلدىڭ 23-24- قىركۇيەگى ارالىعىندا نۇر-سۇلتان قالاسىندا وتەتىن ەۋرازيا ەلدەرىنىڭ پارلامەنتتەرى سپيكەرلەرى IV وتىرىسىنا قاتىسۋ ءۇشىن رەسمي شاقىرۋ حاتىن تابىس ەتتى.

ءوز كەزەگىندە تاداموري وسيما قازاقستان رەسپۋبليكاسىنىڭ تۇڭعىش پرەزيدەنتىنە ەكىجاقتى قارىم-قاتىناستاردى ورناتىپ، دامىتۋعا قوسقان ەلەۋلى ۇلەسى ءۇشىن العىسىن ءبىلدىردى. سونىمەن قاتار، جاپونيا سپيكەرى نۇرسۇلتان نازاربايەۆتىڭ ساياسي تۇراقتىلىقتى قالىپتاستىرۋداعى جەتىستىكتەرىنە توقتالدى.

Қазақстан мен Жапония парламентшілері екіжақты ынтымақтастықты кеңейтпек

سونىمەن قاتار، وكىلدەر پالاتاسىنىڭ سپيكەرى تاداموري وسيما نۇرسۇلتان نازاربايەۆتىڭ 2016-جىلعى جاپونيا پارلامەنتىندەگى بايانداماسىنىڭ تاريحي ماڭىزىنا، قازاقستاننىڭ تۇڭعىش پرەزيدەنتىنىڭ حيروسيماعا جاساعان ساپارى تۋرالى ايتا كەلىپ، نۇرسۇلتان نازاربايەۆتىڭ باستامالارى مەن ناقتى ءىس-ارەكەتتەرى انتيادرولىق قوزعالىستىڭ الەمدىك كوشباسشىسى دەپ ساناۋعا مۇمكىندىك بەرەتىنىن جەتكىزدى.

اڭگىمە بارىسىندا پارلامەنتارالىق ىنتىماقتاستىقتى دامىتۋ ماسەلەلەرى تالقىلاندى. گۇلميرا يسيمبايەۆا جاپونيانىڭ ساكۋرا گۇلدەيتىن ۋاقىتىمەن جانە ناۋرىز مەيرامىنىڭ قۇندىلىقتارىنىڭ ۇقساستىعىن اتاپ ءوتىپ، قازاقستان مەن جاپونيانىڭ پارلامەنتارالىق بايلانىستارى دامۋدىڭ جاڭا سەرپىنىنە يە بولاتىنىن جانە تۇتاستاي العاندا ەكى ەل اراسىنداعى ىنتىماقتاستىقتى نىعايتاتىنىنا سەنىم ءبىلدىردى.

سوڭعى جاڭالىقتار