قاراعاندىلىق پوليتسەيلەر مەملەكەتتىك ءتىلدىڭ ماڭىزى تۋرالى ايتتى

قاراعاندى. قازاقپارات - قاراعاندىلىق پوليتسەيلەر مەملەكەتتىك ءتىلدى ءبىلۋ دەڭگەيلەرىن كورسەتتى، دەپ حابارلايدى قازاقپارات ءتىلشىسى.

قاراعاندىدا «تولەرانتتى تىلدىك ورتا - رۋحاني جاڭعىرۋ نەگىزى» اتتى كونفەسسياارالىق فورۋم ءوتتى.

«؟بىزدىڭ قىزمەتكەرلەر تىلدەردى قولدانۋ مەن دامىتۋدىڭ 2011-2020 -جىلدارعا ارنالعان مەملەكەتتىك باعدارلاماسى تىلدەردى دامىتۋدىڭ بارلىق مۇمكىندىكتەرىن اشاتىنىن جانە قاراعاندى وبلىسىنىڭ پوليتسيا دەپارتامەنتى وسى باعدارلامانى جۇزەگە اسىرۋعا بەلسەندى قاتىسادى» - دەدى قاراعاندى وبلىسى پوليتسيا دەپارتامەنتى باستىعىنىڭ ورىنباسارى قايىركەن الييەۆ.

جيىندا ىشكى ىستەر ورگاندارى قىزمەتكەرلەرىن مەملەكەتتىك تىلگە ۇيرەتۋدە بىرلەسىپ جۇمىس ىستەۋدىڭ تەتىكتەرى مەن باعىتتارى سارالاندى.

 پوليتسيا قىزمەتىندە ەڭبەك ەتەتىن ءتۇرلى ۇلت وكىلدەرى ماماندارى مەملەكەتتىك ءتىلدى تولەرانتتى ورتادا تەز ۇيرەنگەنىن ايتتى. بارلىعى قازاق ءتىلىن تۇرمىستىق تىلگە اينالدىرعاندا عانا، ونى مەڭگەرۋ اناعۇرلىم تەز جۇرەتىنىن ايتۋدا.

فورۋم بارىسىندا دەپارتامەنتتىڭ شىعارماشىلىق ۇجىمى مەن شاقىرىلعان ارتىستەر پاتريوتتىق اندەر شىرقاپ، حالىق اسپاپتارىندا وينادى.

بۇقار جىراۋ اۋدانى پوليتسيا باسقارماسىنىڭ جەدەل كەزەكشىسىنىڭ كومەكشىسى، پوليتسيا ستارشيناسى دميتريي ابەرمەت ءوزىنىڭ ۇلتى - نەمىس بولسا دا، ونىڭ وتباسىندا قازاق ءتىلى كۇندەلىكتى قارىم- قاتىناس ءتىلى ەكەندىگىن ايتۋدا.

«مەن جانە مەنىڭ وتباسى مۇشەلەرىم قازاق جەرىندە تۋىپ- وسكەن. بالالارىمىز قازاق مەكتەبىندە ءبىلىم الۋدا»، - دەيدى دميتريي ابەرمەت.

ءىس- شارا سوڭىندا بەلسەندى توپ وكىلدەرىنە العىس حاتتار مەن سىيلىقتار تابىس ەتىلدى.

 ايتا كەتۋ كەرەك، بۇگىنگى كۇنى ىشكى ىستەر ورگاندارىنىڭ قاتارىندا 20 ۇلت وكىلى جۇمىس ىستەيدى.

اۆتور: اگاتا مۋحامەدجانوۆا