قاسىم- جومارت توقايەۆ قىتاي ەلشىسىمەن كەزدەستى

 نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ قىتاي حالىق رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى جاڭ شياۋمەن كەزدەستى، دەپ حابارلايدى اقوردا.

كەزدەسۋ بارىسىندا قاسىم- جومارت توقايەۆ قازاقستان مەن قىتاي اراسىنداعى قارىم- قاتىناستاردىڭ قارقىندى دامىپ كەلە جاتقانىنا توقتالىپ، ەكى ەل حالىقتارىنىڭ يگىلىگى جولىنداعى بايلانىستاردىڭ ودان ءارى نىعايا تۇسەتىنىنە سەنىم ءبىلدىردى.

توتەنشە جانە وكىلەتتى ەلشى جاش شياۋ قاسىم- جومارت توقايەۆقا قازاقستان رەسپۋبليكاسىنىڭ پرەزيدەنتى لاۋازىمىنا كىرىسۋىنە بايلانىستى قىتاي حالىق رەسپۋبليكاسىنىڭ ءتوراعاسى شي جينپيننىڭ قۇتتىقتاۋىن جەتكىزىپ، دوستىق پەن ستراتەگيالىق سەرىكتەستىك رۋحىنداعى ەكى جاقتى ىنتىماقتاستىقتى دامىتا تۇسۋگە كۇش سالاتىنىن ايتتى.