ارال اۋدانىنىڭ تۇرعىندارى ەلباسىن قوناققا شاقىردى

 نۇرسۇلتان. قازاقپارات - ارال اۋدانىندا تۇڭعىش پرەزيدەنت ن. ءا. نازاربايەۆتىڭ تاريحي شەشىمىنە جانە ەلورداعا جاڭا اتاۋ بەرىلۋىنە وراي فورۋم ءوتتى. باسقوسۋدا ارالدىقتار ەلباسىنىڭ سىر ەلىنە دەگەن ىقىلاسى مەن قامقورلىعى تۋرالى ويلارىن ايتتى.

فورۋمدا قازاقستاننىڭ ەڭبەك سىڭىرگەن مادەنيەت قىزمەتكەرى، ارداگەر- جۋرناليست شاكىرات دارماعانبەتوۆ تۇڭعىش پرەزيدەنتتىڭ ارال وڭىرىنە كەلگەن ساپارىنىڭ ماڭىزدى بولعانىن ايتىپ، وتكەندى ەسكە الدى. ەلباسىنىڭ قولداۋىمەن، باستاماسىمەن ىسكە اسقان ولكەدەگى ايتۋلى جۇمىستار تۋرالى سىر شەرتتى. شاكىرات اقساقال ۇلت كوشباسشىسىن ارال اۋدانىنىڭ قادىرلى قوناعى بولۋعا شاقىردى.

سونىمەن قاتار، وسىدان ەكى جىل بۇرىن سىر وڭىرىنە كەلگەن ساپارى كەزىندە ەلباسىمەن جۇزدەسىپ، باتاسىن العان وقۋشى نۇرسۇلتان جاقسىگەلديەۆ تە ءوز ومىرىندەگى جارقىن ءسات تۋرالى ايتىپ بەردى.

«مەنىڭ اڭقىلداعان اق جۇرەگىمنەن شىققان ءبىر اۋىز ءسوزىم - ارمانىم بولاتىن. سول ارمانىما ەلباسى قانات ءبىتىردى. استانانى كورۋ، ەلباسىمەن جۇزدەسۋ كەز كەلگەننىڭ ەنشىسىنە بۇيىرمايتىن باق. قىزىلوردا قالاسىنا جۇمىس ساپارى بارىسىندا نۇرسۇلتان اتامەن كەزدەستىم. سول كەزدە استانا قالاسىن كورۋ ارمانىم ەكەندىگىن ايتقان بولاتىنمىن. سودان كەيىن ەلباسىنىڭ تاپسىرماسىنا سايكەس، وبلىس اكىمى قىرىمبەك ەلەۋ ۇلى ماعان وتباسىممەن ەلوردامىزدا ساياحاتتاۋعا مۇمكىندىك جاسادى. ءبىز وتباسىمىزبەن بىرگە ەلىمىزدىڭ باس قالاسىندا بولىپ، اسەم دە كورىكتى جەرلەرىن ارالاپ، ساياحاتتاپ قايتتىق. قازىرگى تاڭدا سۇيىكتى مەكتەبىمدە وقۋىمدى جالعاستىرۋدامىن. بۇل ءۇشىن ەلباسىنا شەكسىز ريزاشىلىعىمدى بىلدىرەمىن» ، - دەي كەلە دارىندى جاس نۇرسۇلتان ءابىش ۇلىن ارال اۋدانىنا قوناققا كەلۋدى ءوتىندى.

ال Ⅲ دارەجەلى "ەڭبەك داڭقى" وردەنىنىڭ يەگەرى كۇلماريام كەمالوۆانىڭ پىكىرىنشە، ەلباسىنىڭ باستاماسىمەن ساراتس جوباسىنىڭ 1-كەزەڭى جۇزەگە اسىرىلدى. ءبىر كەزدەرى سۋى تارتىلىپ، اڭقاسى كەپكەن ارال تەڭىزى بۇگىندە قايتا قالپىنا كەلدى.

 

«ەجەلدەن تىرشىلىگى تەڭىزبەن بايلانىستى ارال ءوڭىرى تۇرعىندارىنىڭ اتا كاسىبى بالىق شارۋاشىلىعى جىلدان جىلعا جاندانىپ، حالىقتىڭ ءال- اۋقاتى جاقسارىپ كەلەدى. بالىق شارۋاشىلىعىمەن اينالىسۋعا نيەت بىلدىرگەن كاسىپكەرلەرگە مەملەكەت تاراپىنان قولداۋ دا قاراستىرىلىپ جاتىر. مۇنىڭ ءبارى - ەلباسىمىزدىڭ قامقورلىعىنىڭ جەمىسى. سونىڭ ىشىندە، تۇڭعىش پرەزيدەنتىمىزدىڭ تاراپىنان كورسەتىلىپ جاتقان قولداۋدى بالىقشىلار قاۋىمى جاقسى سەزىنىپ كەلەدى. ماسەلەن، ءوزىمنىڭ ءوڭىردىڭ بالىق شارۋاشىلىعىن وركەندەتۋگە قوسقان ۇلەسىم ەسكەرىلىپ، ءتۇرلى قولداۋ مەن ماراپاتتارعا يە بولدىم. سونىڭ ىشىندە، مەملەكەتتىك Ⅲدارەجەلى «ەڭبەك داڭقى وردەنىمەن» ماراپاتتالدىم. وسى ورايدا، تارتىلعان تەڭىزدى قايتا قالپىنا كەلتىرۋگە كۇش سالىپ، بالىقشىلارعا ەرەكشە كوڭىل ءبولىپ، كاسىپتەرىنىڭ دامۋىنا ءاردايىم قولداۋ جاساعانى ءۇشىن ەلباسىمىزعا ريزاشىلىعىم شەكسىز!» - دەدى كۇلماريام كەمالوۆا.

 

 ونىڭ ايتۋىنشا، ەل ەڭسەسىن كوتەرۋدەگى ەلباسىنىڭ ەلەۋلى ەڭبەگىن بارلىق ارال جۇرتشىلىعى جاقسى بىلەدى.

«تاۋەلسىز ەلىمىزدىڭ باقىتتى بۋىنى تۇڭعىش پرەزيدەنتىمەن ءالى تالاي ماقتاناتىن بولادى» ، - ءسوزىن تۇيىندەدى.

ايتا كەتكەن ءجون، بۇگىندە ايماقتا 8 بالىق وڭدەۋ زاۋىتى جۇمىس ىستەپ تۇر. ونىڭ تورتەۋى سوڭعى بەس جىلدا ىسكە قوسىلدى. 2000- جىلدارى ارال تەڭىزىندەگى جالعىز بالىق اۋلاۋ - كامبالى- گلوسسا 400 توننادان اسپاعان ەدى. قازىرگى تاڭدا 23 بالىق ءتۇرى قالپىنا كەلتىرىلدى، ونىڭ 14 ى كاسىپتىك، ال بالىق اۋلاۋ 2018 -جىلى 8 مىڭ توننادان استى. ەكسپورتقا 4 مىڭ توننا بالىق ءونىمى، پولشا، گەرمانيا، گوللانديا، گرۋزيا، ليتۆا، ۋكراينا، رەسەي جانە قىتاي سياقتى ەلدەرگە جىبەرىلدى.

بۇدان بولەك، جاقسىقىلىش كەنتىندە دە «ەلى سۇيگەن، ەلىن سۇيگەن ەلباسى» دەگەن تاقىرىپپەن استانانىڭ اتى وزگەرۋىنە بايلانىستى قولداۋ شاراسى ۇيىمداستىرىلدى. وعان 90 جىلدىق تاريحى بار «ارالتۇز» اق كەنشىلەرى مەن كەنت تۇرعىندارى قاتىستى. ولار ەلباسىنا قيماستىق سەزىمدەرىن ءبىلدىرىپ، حات جولدادى.

 

يبراش ءالي

 BAQ. KZ