ەلوردادا ەر ادام مۇز استىنا ءتۇسىپ كەتتى

نۇر- سۇلتان. قازاقپارات - استانالىق قۇتقارۋشىلار مۇز استىنا ءتۇسىپ كەتكەن ەر ادامدى قۇتقاردى، دەپ حابارلايدى قازاقپارات.

«كەشە قازاق گۋمانيتارلىق زاڭ ۋنيۆەرسيتەتى ماڭىندا 1957 -جىلى تۋعان ەر ادام مۇز استىنا ءتۇسىپ كەتتى. وقيعا ورنىنا قۇتقارۋشىلار 8 مينۋتتا جەتتى. ەر ادامدى قۇتقارىپ، العاشقى مەديتسينالىق كومەك كورسەتتى جانە اۋرۋحاناعا جەتكىزدى. ول ساياجايدا تۇراتىنى انىقتالدى» ، - دەدى قالالىق توتەنشە جاعدايلار دەپارتامەنتىنىڭ ءبولىم باسشىسى ەلدور رايىمبەكوۆ ەسىل وزەنىنە وتكەن كوشپەلى بريفينگتە.

ونىڭ ايتۋىنشا، قۇتقارىلعان تۇرعىننىڭ جاعدايى قاناعاتتانارلىق. دارىگەرلەر قاراپ شىعىپ، ۇيىنە جىبەرگەن.

 ت ج دەپارتامەنتىنىڭ حابارلاۋىنشا، جىل باسىنان ەلوردادا مۇز استىنا ءتۇسىپ كەتۋدىڭ ءبىر وقيعاسى تىركەلدى. اتاپ ايتقاندا، ناۋرىز ايىندا سارىارقا كوپىرىنىڭ ماڭىندا ەسىل وزەنىنە قاردا جۇرەتىن كولىك باتىپ كەتكەن. ونىڭ جۇرگىزۋشىسى سۋدان شىعىپ ۇلگەرگەن، كولىگىن قۇتقارۋ مۇمكىن بولماعان.

وتكەن جىلدىڭ ءساۋىر ايىندا دا ەسىل وزەنىندە ءبىر توتەنشە وقيعا بولدى. ەكى جارىم جاسار بالا اتا- انا قاراۋىنسىز قالىپ، مۇز استىنا قۇلاعان. ونى قۇتقارۋشىلار دەر كەزىندە بايقاپ، سۋدان الىپ شىقتى.