كونور ماكگرەگور سپورتتاعى مانسابىن اياقتادى
بۇل تۋرالى ءوزى twitter جەلىسىندەگى پاراقشاسىندا جازدى.
- سالەم، جىگىتتەر! شۇعىل حابارلاما: مەن سپورتپەن قوشتاسپاقپىن، ياعني ارالاس جەكپە- جەك ونەرى جولىنداعى مانسابىمدى اياقتادىم. بارشا ەسكى ارىپتەستەرىمە ساتتىلىك پەن جەتىستىك تىلەيمىن. ەندى زەينەتكە شىققاندار قاتارىنا قوسىلامىن، - دەپ جازدى ماكگرەگور. كونور ماكگرەگور سوڭعى رەت 2018 -جىلدىڭ قازان ايىندا وكتاگونعا شىققان بولاتىن. جەڭىل سالماقتا رەسەيلىك حابيب نۋرماگومەدوۆتەن جەڭىلگەن ەدى. جەكپە- جەك سوڭىنداعى قاقتىعىسقا بايلانىستى 6 اي سپورتتان شەتتەتىلگەن. 50 مىڭ ا ق ش دوللارى كولەمىندە ايىپپۇل تولەگەن. جازا ۋاقىتى ءساۋىر ايىنىڭ ورتا تۇسىندا اياقتالاتىن ەدى. وسىعان دەيىن رەسەيلىك سپورتشىمەن قارىمتا كەزدەسۋ وتكىزگىسى كەلەتىنى جايلى دا ايتىپ جۇرگەن بولاتىن. 30 جاستاعى يرلانديالىق سپورتشى 21 جەكپە- جەگىندە قارسىلاسىنا مىقتىلىعىن مويىنداتتى. 4 كەزدەسۋىندە قارسىلاسىنىڭ مىقتىلىعىن مويىندادى. سونداي- اق ايگىلى فلويد مەيۆەزەرمەن (كىشىسى) بوكس ەرەجەسىن ساي جەكپە- جەك تە وتكىزدى.
Massaget.kz
