اسانالى ءاشىموۆ پەن تەاتر باسشىلارى حالىققا ۇندەۋ جولدادى

None
None
 نۇر- سۇلتان. قازاقپارات - نۇرسۇلتان نازاربايەۆ جەر- جاھانعا كوپۇلتتى، سان ءتۇرلى كونفەسسيا وكىلدەرىنىڭ ءبىر شاڭىراقتىڭ استىندا، ءبىر مەملەكەتتىڭ مۇددەسى جولىندا بەيبىت ءومىر سۇرە الاتىنىن پاش ەتىپ، قازاقستاندى مويىنداتتى. ق ر تەاترلار قاۋىمداستىعى مۇشەلەرىنىڭ ەل ازاماتتارىنا ارناعان ۇندەۋىندە وسىلاي ايتىلعان، دەپ حابارلايدى قازاقپارات.

ۇندەۋگە ق ر تەاترلار قاۋىمداستىعىنىڭ پرەزيدەنتى، قازاقستاننىڭ ەڭبەك ەرى، حالىق ءارتىسى اسانالى ءاشىموۆ باستاعان ءبىرقاتار تۇلعا قول قويعان. ولاردىڭ اراسىندا ەل وڭىرلەرىندەگى تەاترلاردىڭ باسشىلارى بار.

«دانا حالقىمىزدا «تاريحتى تۇلعالار جاسايدى» دەگەن قاناتتى ءسوز بار. ءار ۇلتتىڭ وزىندىك تاريحىن قالىپتاستىرعان ۇلى تۇلعالار بولادى. بۇگىنگى زاماننىڭ قاھارمانى دەپ ءبىز، ياعني قازاقستان تەاترلار قاۋىمداستىعى ەلباسى - نۇرسۇلتان ءابىش ۇلى نازاربايەۆتى بىلەمىز. ەندەشە، ەلورداعا، سونداي- اق ەلىمىز قالالارىنداعى ۇلكەن كوشەلەرگە تۇڭعىش پرەزيدەنتتىڭ ەسىمىن بەرۋ، مونۋمەنت ورناتۋ حالىق قاھارمانىنا ابدەن لايىقتى ءىس.

بۇدان جيىرما ەكى جىل بۇرىن ەلباسىمىز نۇرسۇلتان نازاربايەۆ ەلىمىزدىڭ جارقىن بولاشاعى جولىندا قابىلداعان تاريحي شەشىمى، ياعني مەملەكەتتىڭ باس قالاسىن اقمولاعا كوشىرىپ، قازىرگى تاڭدا الەمنىڭ جاس قالاسى اتانعان استانانىڭ نەگىزىن قالاۋى بۇگىنگى تاڭدا ەلورداسىن حالىقارالىق قاۋىمداستىق تانىعان بىرەگەي شاھارعا اينالدىردى. كەزىندە بىرەۋگە جالعان، بىرەۋگە ارمان بولىپ كورىنگەن، ەلباسىمىزدىڭ ءوزى ىرگەسىن قالاعان استانامىز جىل وتكەن سايىن ساۋلەتى مەن داۋلەتى وركەندەپ، بارشا قازاقستاندىقتاردىڭ باس ورداسى بولدى» ، - دەلىنگەن ۇندەۋدە.

سونداي- اق وندا نۇرسۇلتان نازاربايەۆ قازاق ەلى ءۇشىن عانا ەمەس، الەم تاريحىنداعى كەمەڭگەر تۇلعا ەكەندىگى اتاپ وتىلگەن.

«ەلباسى جەر- جاھانعا كوپۇلتتى، سان ءتۇرلى كونفەسسيا وكىلدەرىنىڭ ءبىر شاڭىراقتىڭ استىندا ءبىر مەملەكەتتىڭ مۇددەسى جولىندا بەيبىت ءومىر سۇرە الاتىنىن پاش ەتىپ، قازاقستاندى مويىنداتتى.

مەملەكەت باسشىسىنىڭ باستاماسىمەن تاۋەلسىزدىك جىلدارىندا ەكونوميكالىق، ساياسي، الەۋمەتتىك ورلەۋ جۇزەگە اسىرىلدى. نۇرسۇلتان نازاربايەۆتىڭ ستراتەگيالىق باستامالارى، بولاشاقتى بولجاي بىلەتىن كورەگەندىلىگى، سارابدال ساياساتكەرلىگى ارقاسىندا كوپۇلتتى مەملەكەتىمىز دامۋدىڭ داڭعىل جولىنا ءتۇستى.

وسى ورايدا، قازاقستان تەاترلار قاۋىمداستىعى تاۋەلسىز قازاقستاننىڭ ەكىنشى پرەزيدەنتى قاسىم- جومارت توقايەۆتىڭ، تۇڭعىش پرەزيدەنت قۇرمەتى ءۇشىن استانا قالاسىنىڭ اتىن نۇرسۇلتان دەپ وزگەرتۋ، ەلىمىزدەگى قالالاردىڭ ءاربىر ۇلكەن كوشەسىنە تۇڭعىش پرەزيدەنتتىڭ ەسىمىن بەرۋ، مونۋمەنت ورناتۋ تۋرالى ۇسىنىسىن قولداپ، قازاقستاننىڭ دامۋىنا سەرپىن بەرگەن جاڭا ەلوردامىزدىڭ بۇگىنگى احۋالىنا قاراپ، ونىڭ نەگىزگى اۆتورى رەتىندە نۇرسۇلتان ءابىش ۇلى دەپ تانىپ، ريزاشىلىق سەزىممەن «استانا - ەلباسىنىڭ ەرلىگى» دەپ سانايمىز. ەندىگى تاڭدا، ەلوردانى «نۇرسۇلتان» قالاسى دەپ اتاپ، ەل ءۇشىن دە، ەلباسى ءۇشىن دە، ەلوردا ءۇشىن دە مارقايىپ جۇرەتىن بولدىق» ، - دەلىنگەن ۇندەۋ- حاتتا.

 قۇجاتقا قول قويعاندار: ق ر تەاترلار قاۋىمداستىعىنىڭ پرەزيدەنتى ءاسانالى ءاشىموۆ، م. اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ ديرەكتورى س. ءابدىقالىقوۆ، رەسپۋبليكالىق نەمىس دراما تەاترى ديرەكتورى ن. دۋبس، ع. مۇسىرەپوۆ اتىنداعى قازاق مەملەكەتتىك بالالار مەن جاسوسپىرىمدەر تەاترىنىڭ ديرەكتورى ا. ساتىبالدى، مەملەكەتتىك رەسپۋبليكالىق كورەي مۋزىكالىق كومەديا تەاترى ديرەكتورى ل. ني، م. لەرمونتوۆ اتىنداعى مەملەكەتتىك اكادەميالىق ورىس دراما تەاترىنىڭ ديرەكتورى يۋ. ياكۋشيەۆ، ق. قوجامياروۆ اتىنداعى مەملەكەتتىك رەسپۋبليكالىق ۇيعىر مۋزىكالىق كومەديا تەاترىنىڭ ديرەكتورى ر. توحتاحۋنوۆ، ساتس اتىنداعى بالالار مەن جاسوسپىرىمدەرگە ارنالعان مەملەكەتتىك اكادەميالىق ورىس تەاترى ديرەكتورى مىندەتىن اتقارۋشى و. گوستيەۆ، مەملەكەتتىك قۋىرشاق تەاترىنىڭ ديرەكتورى ت. ەسەناليەۆ، م. وتەمىس ۇلى اتىنداعى اتىراۋ وبلىستىق اكادەميالىق دراما تەاترىنىڭ ديرەكتورى ب. دجامەنوۆ، ن. ءجانتورين اتىنداعى مۋزىكالىق دراما تەاترىنىڭ ديرەكتورى ن. مۇحانوۆ، ق. قۋانىشبايەۆ اتىنداعى قازاق مەملەكەتتىك دراما تەاترىنىڭ ديرەكتورى ا. سەكسەنبايەۆ، «استانا جاستار» تەاترىنىڭ ديرەكتورى ە. جۇماتايەۆ.

سوڭعى جاڭالىقتار