13:51, 25 - ناۋرىز 2019 | GMT +6
قازاقستان مەن گەرمانيا اسكەري ىنتىماقتاستىق ماسەلەلەرىن تالقىلادى
استانا. قازاقپارات - قازاقستان رەسپۋبليكاسى قورعانىس مينيسترلىگىنىڭ حالىقارالىق ىنتىماقتاستىق دەپارتامەنتىنىڭ باستىعى ولجاس حۋساينوۆ باستاعان اسكەري دەلەگاتسيا بەرلين قالاسىندا گەرمانيالىق ارىپتەستەرىمەن اۋقىمدى كەلىسسوزدەر وتكىزدى.
بۇل تۋرالى مينيسترلىكتىڭ باسپا ءسوز قىزمەتىنە سىلتەمە جاساپ قازاقپارات حابارلايدى.
تاراپتار قازاقستان مەن گەرمانيانىڭ قورعانىس ۆەدومستۆولارى اراسىنداعى 2019 -جىلعى اسكەري ىنتىماقتاستىق جوسپارىن تالقىلاپ، قول قويدى. اسكەري ءبىلىم بەرۋ ماسەلەلەرى بولەك تاقىرىپقا ارناۋ بولدى.
كەلىسسوز قورىتىندىسى بويىنشا، گەرمانيا قارۋلى كۇشتەرىنىڭ اسكەري قيمىلداردى مودەلدەۋ جانە اسكەري مەديتسينا سالاسىندا سيفرلىق مونيتورينگ جۇيەسىن پايدالانۋدى ۇيرەنۋ ماقساتىندا ارنايى جاساق بولىمشەلەرى اراسىندا تاجىريبە الماسۋ تۋرالى كەلىسىمدەرگە قول جەتكىزىلدى. سونداي- اق قازاقستان مەن گەرمانيانىڭ ۆەريفيكاتسيالىق ورتالىقتارى اراسىنداعى ءوزارا ىقپالداستىق جانە بىتىمگەرلىك قىزمەت ماسەلەلەرى قارالدى.
