قازاقستان- رەسەي ماتچىنىڭ جانكۇيەرلەرىن ارنايى اۆتوبۋستار تاسىمالدايدى
24 - ناۋرىزدا ساعات 20:00-دە «استانا ارەنا» ستاديونىندا ەۋروپا-2020 چەمپيوناتىنىڭ ىرىكتەۋ ماتچى اياسىندا قازاقستان مەن رەسەيدىڭ ۇلتتىق قۇراما كوماندالارى اراسىندا فۋتبول ويىنى وتەدى. جانكۇيەرلەر № 10, 12, 28, 37, 40, 51, 53, 60 باعىتتاعى اۆتوبۋستارمەن ستاديونعا جەتە الادى.
سونىمەن قاتار، كورەرمەندەرگە ىڭعايلى بولۋ ءۇشىن ساعات 18:00-دەن باستاپ ءۇش نۇكتەدە ويىن وتەتىن ستاديونعا جانكۇيەرلەردى جەتكىزەتىن ارنايى اۆتوبۋستاردىڭ رەيستەرى ۇيىمداستىرىلاتىن بولادى: «قازاقستان» س ك (ق. مۇڭايتپاسوۆ داڭعىلى بويىنشا)، «نۇر استانا» مەشىتىنىڭ ماڭىنداعى تۇراقتار (شىعىس جاعىنان)، استانالىق سيركتىڭ جانىنداعى تۇراق (قورعالجىن تاس جولى بويىنشا). ارنايى رەيستىك اۆتوبۋستاردا جول ءجۇرۋ قۇنى قوعامدىق كولىكتەردەگى جولاقىسىمەن بىردەي.. جانكۇيەرلەر «استانا- ارەنا» ستاديونى ايالداماسىنان № 10, 12, 28, 37, 40, 51, 53, 60, 303 باعىتتارىنداعى اۆتوبۋستار ارقىلى كەرى قايتا الادى.