ءبىزدىڭ استانا نۇرسۇلتان دەپ اتالۋى كەرەك - قاسىم- جومارت توقايەۆ

استانا. قازاقپارات - بۇگىننەن باستاپ پرەزيدەنت مىندەتىن ۋاقىتشا اتقارۋعا كىرىسكەن قاسىم- جومارت توقايەۆ استانا قالاسىنىڭ اتاۋىن نۇرسۇلتان دەپ وزگەرتۋ تۋرالى ۇسىنىس جاسادى، دەپ حابارلايدى قازاقپارات ءتىلشىسى.

 «ءبىزدىڭ ۇلى زامانداسىمىزدىڭ، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ ەسىمىن كەلەسى جولدارمەن ماڭگى ەستە قالدىرۋ دۇرىس دەپ سانايمىن. ءبىزدىڭ استانا پرەزيدەنتىمىزدىڭ ەسىمىمەن نۇرسۇلتان دەپ اتالۋى كەرەك. مۇنداي ۇسىنىستار بۇرىن، ق ر تاۋەلسىزدىگىنىڭ 25  جىلدىعى تۇسىندا دا پارلامەنتەرييلەرمەن، پارلامەنت دەپۋتتارىمەن ايتىلعان بولاتىن. بۇدان بولەك، ءبىزدىڭ ەلوردادا تۇڭعىش پرەزيدەنتتىڭ قۇرمەتىنە مونۋمەنت ورناتۋدى ۇسىنامىن. بارلىق وبلىستىق قالالاردىڭ باستى كوشەلەرىن - نۇرسۇلتان نازاربايەۆ دەپ اتاۋ دۇرىس دەپ دەپ ەسەپتەيمىن.

 ەلباسىعا ءبىزدىڭ مەملەكەتتىڭ ەڭ جوعارعى اتاقتارىنا لايىقتى. «حالىق قاھارمانى»، «ەڭبەك ەرى» اتاعىن بەرۋدى ۇسىنامىن. سەناتتىڭ بۇرىنعى ءتوراعاسى رەتىندە ەلباسىعا قۇرمەتتى سەناتور مارتەبەسىن بەرۋ كەرەك دەپ ەسەپتەيمىن. تۇڭعىش پرەزيدەنت تۇسىرىلگەن بارلىق سۋرەتتەر مەن فوتولار جاريالى نىسانداردىڭ، مەملەكەتتىك قىزمەتشىلەر كابينەتتەرىنىڭ، وقۋ ورىندارى عيماراتتارىنىڭ مىندەتتى اتريبۋتى رەتىندە قالادى. سونىمەن بىرگە، ەلباسىنىڭ بۇكىل ءومىر جولى تۇڭعىش پرەزيدەنت، ۇلت كوشباسشىسى تۋرالى زاڭعا جانە وزگە دە زاڭنامالىق قۇجاتتارعا سايكەس قامتاماسىز ەتىلەتىن بولادى. ەلباسىنىڭ اتىندا بارلىق قىزمەتتىك ينفراقۇرىلىمدار قالادى»، - دەدى قاسىم- جومارت توقايەۆ.

اۆتور: ايان بەكەن ۇلى