12:44, 20 - ناۋرىز 2019 | GMT +6
قاسىم- جومارت توقايەۆ ەلباسىنى «التىن جۇلدىز» وردەنىمەن ماراپاتتادى
استانا. قازاقپارات - بۇگىن رەسپۋبليكا پرەزيدەنتى وكىلەتتىگىن ۋاقىتشا اتقارۋعا كىرىسكەن قاسىم- جومارت توقايەۆ ق ر تۇڭعىش پرەزيدەنتى - ەلباسى نۇرسۇلتان نازاربايەۆتى «التىن جۇلدىز» وردەنىمەن ماراپاتتادى، دەپ حابارلايدى قازاقپارات ءتىلشىسى.
«اسا قادىرلى ەلباسى، جينالعان قاۋىم! مەنىڭ ق ر پرەزيدەنتى قىزمەتىمدەگى ءبىرىنشى شەشىمىم «ق ر تۇڭعىش پرەزيدەنتى - ەلباسى تۋرالى» كونستيتۋتسيالىق زاڭعا جانە «مەملەكەتتىك ناگرادالار» تۋرالى زاڭعا سايكەس، تاۋەلسىز قازاقستاندى ورناتۋداعى تاريحي ۇلەسى، ەكونوميكالىق جانە الەۋمەتتىك جانە گۋمانيتارلىق دامىتۋداعى، قازاقستاندىق قوعامدى توپتاستىرۋداعى اسا ۇزدىك ەڭبەگى ءۇشىن ق ر تۇڭعىش پرەزيدەنتى - ەلباسى نۇرسۇلتان نازاربايەۆقا ايرىقشا ەرەكشەلىك بەلگىسى «التىن جۇلدىز» وردەنىن تاپسىرا وتىرىپ، «حالىق قاھارمانى اتاعىن بەرەمىن»، - دەدى ق. توقايەۆ.
اۆتور: مارلان جيەمباي