09:07, 20 - ناۋرىز 2019 | GMT +6
ق ر پرەزيدەنتىنىڭ قىزمەتىنە كىرىسەتىن ادامنىڭ قازاقستان حالقىنا انت بەرۋ ءراسىمى وتەدى
استانا. قازاقپارات - قازاقستان رەسپۋبليكاسى پرەزيدەنتىنىڭ قىزمەتىنە كىرىسەتىن ادامنىڭ قازاقستان حالقىنا انت بەرۋ ءراسىمى 2019-جىلعى 20- ناۋرىزدا 12:00 ساعاتتا وتەدى، دەپ حابارلايدى قازاقپارات.
بۇل ءراسىم ەلباسىنىڭ وكىلەتتىگىن توقتاتۋ تۋرالى جارلىعىنا سايكەس بەلگىلەندى.
«قازاقستان رەسپۋبليكاسى كونستيتۋتسياسىنىڭ 42-بابىنىڭ 2-تارماعىنا سايكەس قازاقستان رەسپۋبليكاسى پرەزيدەنتىنىڭ قىزمەتىنە كىرىسەتىن ادامنىڭ قازاقستان حالقىنا انت بەرۋ ءراسىمى قازاقستان رەسپۋبليكاسى ورتالىق سايلاۋ كوميسسياسىمەن كەلىسىم بويىنشا قازاقستان رەسپۋبليكاسى پارلامەنتى پالاتالارىنىڭ بىرلەسكەن وتىرىسىندا 2019-جىلعى 20- ناۋرىزدا 12 ساعات 00 مينۋتتا وتكىزىلسىن»، - دەلىنگەن جارلىق ماتىنىندە.
ەسكە سالا كەتسەك، نۇرسۇلتان نازاربايەۆ رەسپۋبليكالىق تەلەارنالار ارقىلى قازاقستان حالقىنا ارنالعان مالىمدەمەسىندە ق ر پارلامەنتى سەناتىنىڭ ءتوراعاسى قاسىم-جومارت توقايەۆتىڭ قازاقستاندى ۋاقىتشا باسقاراتىنىن ايتقان ەدى.