ق ر ۇلتتىق وليمپيادا كوميتەتى دوپينگكە قارسى يۋنەسكومەن بىرلەسىپ كۇرەسپەك

استانا. قازاقپارات - قازاقستان ۇلتتىق وليمپيادا كوميتەتى مەن يۋنەسكو ىنتىماقتاستىق تۋرالى كەلىسىم جاساستى، دەپ حابارلايدى قازاقپارات.

قۇجاتقا ق ر ۇ و ك باس حاتشىسى ساكەن مۇسايبەكوۆ جانە يۋنەسكونىڭ قازاقستان، قىرعىزستان جانە تاجىكستان بويىنشا كلاستەرلى بيۋروسىنىڭ ديرەكتورى كريستا پيككات قول قويدى.

ق ر ۇ و ك- دان ءمالىم ەتكەندەي، مەموراندۋم ورتالىق ازيادا قابىلدانعان العاشقى قۇجات.

مەموراندۋم اياسىندا دوپينگپەن كۇرەس كەزىندە كۇش بىرىكتىرىپ، دەنە تاربيەسى مەن سپورتتى ناسيحاتتاۋعا ءمان بەرىلمەك. ودان بولەك، قازاقستاندىقتار اراسىندا وليمپيادالىق قوزعالىستى دامىتۋعا، جالپىعا ورتاق جانە تەڭدەي سپورتتى قولداۋعا ەرەكشە كوڭىل بولىنەدى. سونداي-اق جالپىعا ارنالعان سپورت، ءبىلىم جانە گەندەرلىك تەڭدىك جونىندەگى بىرلەسكەن جۇمىستاردىڭ نەگىزگى باعىتتارى دا بەلگىلى بولدى.

«تازا سپورتشىلاردى قورعاپ، دوپينگپەن كۇرەسۋ الەمدىك وليمپيادا قوزعالىسىنىڭ، ونىڭ ىشىندە قازاقستاننىڭ دا باستى مۇددەلەرىنىڭ ءبىرى. وليمپيادا حارتياسى، بۇكىل الەمدىك دوپينگكە قارسى كودەكس پەن سپورتتاعى دوپينگپەن كۇرەسۋ جونىندەگى حالىقارالىق كونۆەنتسيا دوپينگپەن كۇرەس جولىنداعى باستى قۇجاتتار سانالادى. ايتا كەتەلىك، بەيجىڭ وليمپياداسى يۋنەسكو اياسىنداعى دوپينگپەن كۇرەس جونىندەگى حالىقارالىق كونۆەنتسيا كۇشىنە ەنگەن سوڭ وتكىزىلدى. قازاقستان بۇل قۇجاتتى 2009-جىلى راتيفيكاتسيالادى»، - دەلىنگەن حابارلامادا.

ساكەن مۇسايبەكوۆتىڭ ايتۋىنشا، ق ر ۇ و ك حالىقارالىق ۇيىمدارمەن قارىم-قاتىناستى نىعايتۋعا ۇلكەن كوڭىل بولەدى.

«ونىڭ ۇستىنە، حالىقارالىق وليمپيادا كوميتەتى مەن يۋنەسكو قارىم-قاتىناسىنىڭ كىرپىشى باياعىدا قالانعان. كوپتەگەن سالالاردا ءبىر-بىرىنە قولداۋ كورسەتەدى. ءبىز ءوز ەلىمىزدەگى ارىپتەستىكتى دامىتىپ، كورسەتىلگەن باعىتتار بويىنشا بەلسەندى تۇردە قىزمەت ەتۋگە دايىنبىز. بۇگىننەن باستاپ رەسمي تۇردە ارىپتەس اتاندىق. بۇل قادام ءبىزدىڭ بىرلەسكەن جۇمىسىمىزعا جاڭا سەرپىن بەرىپ، ورتاق ماقساتقا جەتۋ جولىندا كومەكتەسەرى ءسوزسىز»، - دەدى ول.

كريستا پيككاتتىڭ اتاپ وتۋىنشە، يۋنەسكو ءۇشىن سپورت جاي عانا جارىس نەمەسە دەنە تاربيەسى ەمەس. سپورت - تولەرانتتى، ادىلەتتى جانە بەيبىت قوعام قالىپتاستىرۋداعى نەگىزگى قۇرالداردىڭ ءبىرى. ول ادامداردى جىنىسى مەن سەنىمىنە، ناسىلىنە قاراماستان بىرىكتىرەدى.

«ارامىزداعى ارىپتەستىك سپورتتى دامىتۋعا جاڭا كۇش بەرىپ، قازاقستانداعى وليمپيادالىق قوزعالىستى ناسيحاتتاي تۇسەرى انىق»، - دەدى ول.

ايتا كەتەيىك، بۇگىنگە دەيىن ق ر ۇ و ك مەن يۋنەسكونىڭ بىرنەشە بىرلەسكەن جوباسى ىسكە اسىرىلدى. سونىڭ ءبىرى - وتكەن جىلدىڭ اياعىندا ۇيىمداستىرىلعان «Girls Power"» Women Athletes' Career Transition Program»  بىرلەسكەن سەمينار-ترەنينگى. باعدارلاما سپورتشى قىزدار مەن سپورتتىق مانسابىن اياقتاعان نەمەسە اياقتاۋعا جاقىن جانداردىڭ وزگە دە الەۋمەتتىك سالالارعا اۋىسۋىنا باعىتتالعان. قازاقستاندا العاش رەت وتكىزىلگەن جوبا اتلەتتەر تاراپىنان ۇلكەن قىزىعۋشىلىق تۋدىرعاندىقتان، بولاشاقتا دا جالعاسىن تابارى ءسوزسىز.

ەسكە سالايىق، قازاقتىڭ ۇلتتىق ويىنى «اسىق اتۋ»، «قازاق كۇرەسى»، سونداي-اق سۇڭقارمەن اڭ اۋلاۋ ساياتشىلىق ونەرى يۋنەسكونىڭ ماتەريالدىق ەمەس مادەني مۇرالارى تىزىمىنە ەنگەن.