ق ر س ءى م شەتەلدەگى ستۋدەنتتەردىڭ كونسۋلدىق ەسەپتە نەلىكتەن تىركەلۋى كەرەكتىگىن ءتۇسىندىردى

استانا. قازاقپارات - ق ر س ءى م رەسمي وكىلى ايبەك سمادياروۆ شەتەلدەگى قازاقستاندىق ستۋدەنتتەردىڭ كونسۋلدىق ەسەپتە نەلىكتەن تۇرۋى كەرەكتىگىن ءتۇسىندىرىپ بەردى، دەپ حابارلايدى قازاقپارات ءتىلشىسى.

ەسكە سالا كەتسەك، ق ر س ءى م عيماراتىندا وتكەن باسپا ءسوز ءماسليحاتىندا ايبەك سمادياروۆ ق ر سىرتقى ىستەر مينيسترلىگى قىتايدا قازاقستان ازاماتشاسى يۋليا حوديەۆانىڭ ۇستالعانىن حابارلاعان بولاتىن. ق ر س ءى م مالىمەتىنە سايكەس، ەسىرتكى زاتتارىن ساقتاۋ جانە تاراتۋ كۇدىگىمەن قىتايدا ۇستالعان قازاقستاندىق بويجەتكەن كونسۋلدىق ەسەپتە بولماعان.

«سوندىقتان، ءبىزدىڭ كونسۋلدىق قىزمەتتەگىلەر ونىڭ بار- جوقتىعىن بىلمەگەن. ول سول جاقتا 6 جىل وقىپ ءجۇرىپتى»، - دەگەن ەدى ايبەك سمادياروۆ.

«مەملەكەتتىك ءوزارا الماسۋ نەمەسە «بولاشاق» باعدارلاماسىمەن شەتەلدە وقيتىن ستۋدەنتتەر مىندەتتى تۇردە ءبىزدىڭ شەت ەلدەردەگى كونسۋلدىققا تىركەلەدى. ياعني، قاي جەردە قانشا ستۋدەنتتىڭ وقىپ جاتقانى تۋرالى ەسەپتى جۇرگىزىپ وتىرامىز. بۇل جۇمىستىڭ ماڭىزى نەدە؟ وزدەرىڭىز دە بىلەتىندەي، بىرنەشە جىل بۇرىن ا ق ش-تا تورنادو بولىپ، كەيبىر ستۋدەنتتەردىڭ اتا-انالارى س ءى م -گە قوڭىراۋ شالىپ، «نەلىكتەن مەنىڭ بالامدى قۇتقارمايسىڭدار» دەپ شۋ شىعارعان ەدى. ال سول كەزدە ا ق ش- تاعى ەلشىلىك ەكى كۇن بويى بىرنەشە اۆتوبۋس جالداپ، ستۋدەنتتەردى قاۋىپسىز جەرگە كوشىرۋمەن بولعان. چاتتار مەن توپتار ارقىلى ستۋدەنتتەردى تاپقان»، - دەدى ايبەك سمادياروۆ ق ر س ءى م-دە وتكەن باسپا ءسوز ءماسليحاتىندا.

ونىڭ ايتۋىنشا، ا ق ش- تاعى تورنادو كەزىندە ءوز اقشاسىمەن وقىپ، كونسۋلدىقتا تىركەلمەگەن ستۋدەنتتەردى ەلشىلىك قىزمەتكەرلەرى بىلمەگەن.

«ال كونسۋلدىق ەسەپتە تۇرعاندارعا كونسۋلدىق بىردەن ناقتى بەلگىلى ءبىر جەردە ەۆاكۋاتسيا بولاتىنىن حابارلاعان. سول سەبەپتى، قازاقستاندىق ستۋدەنتتەر ءبىزدىڭ شەت ەلدەردەگى كونسۋلدىق ەسەپكە تىركەلگەنى دۇرىس»، - دەيدى ايبەك سمادياروۆ.