الەمدە ءسۇت ونىمدەرى ايتارلىقتاي قىمباتتادى
ب ۇ ۇ ازىق- تۇلىك جانە اۋىل شارۋاشىلىعى ۇيىمىنىڭ مالىمەتى بويىنشا، وتكەن ايدا ازىق- تۇلىك باعاسىنىڭ يندەكسى ورتا ەسەپپەن 167,5 تارماققا جوعارىلادى. ياعني، قاڭتارمەن سالىستىرعاندا باعاسى 1,7 پايىزعا وسكەن. سوعان قاراماستان، بۇل كورسەتكىشتەر بىلتىرعى وسى كەزەڭمەن سالىستىرعاندا 2,3 پايىزعا تومەن.
ءسۇت ونىمدەرىنىڭ باعالارى قاڭتارعا قاراعاندا 5,6 پايىزعا قىمباتتادى. بۇعان قۇرعاق مايسىزداندىرىلعان ءسۇت، قۇرعاق ءسۇت پەن ىرىمشىك يمپورتىنا سۇرانىستىڭ ءوسۋى سەبەپ بولىپ وتىر. ونىڭ ۇستىنە، وسىمدىك مايى باعاسىنىڭ يندەكسى وتكەن ايمەن سالىستىرعاندا 1,8 پايىزعا ءوستى. قانت باعاسى 1,2 پايىزعا قىمباتتاعان.
ال استىق ونىمدەرىنىڭ باعاسى ايتارلىقتاي وسكەن جوق. ساراپشىلار 2018 -جىلعى الەمدىك استىق ونىمدەرىنە سوڭعى بولجامىن 2,611 ميلليارد توننادان 2,609-عا تومەندەتتى. «سوڭعى بولجامىمىزعا ا ق ش-تا جۇگەرى ءونىمىنىڭ تومەن باعاسى نەگىز بولدى، بۇل استىقتىڭ جىلدىق ءونىمىنىڭ ازايۋىن كورسەتەدى»، - دەيدى ساراپشىلار.
ۇيىم 2019 -جىلعا بيداي ءونىمى بويىنشا العاشقى بولجامىن جاسادى. ونى 757 ميلليون تونناعا باعالاعان - بۇل 2018 -جىلدان ءتورت پايىزعا جوعارى. ءبىراق بۇل كورسەتكىش 2017 -جىلى تىركەلگەن رەكوردتىق دەڭگەيگە جەتپەيدى.
