تۇركىستاندىق ونەرپازدار انكارادا ونەر كورسەتتى
مادەني شارادا ەلىمىزگە تانىمال كومپوزيتورلاردىڭ شىعارمالارى ورىندالىپ، قاسيەتتى قارا دومبىرامەن ءداستۇرلى اندەر شىرقالدى، دەپ حابارلايدى قازاقپارات ءتىلشىسى وبلىستىق مادەنيەت باسقارماسىنا سىلتەمە جاساپ.
انادولى ەلىندە وتكەن مەرەكەلىك شارادا تۇركيا پرەزيدەنتىنىڭ باس كەڭەسشىسى يالچىن توپچۋ ءسوز سويلەپ، شەتەلدىك قوناقتارعا ريزاشىلىعىن ءبىلدىردى.
«قازاق حالقىنا مەسحەت تۇرىكتەرى جانە جەكە ءوزىمنىڭ اتىمنان مىڭ دا ءبىر العىس ايتامىن. بۇدان كەيىنگى جىلداردا شارتاراپتا ءومىر سۇرەتىن مەسحەت تۇرىكتەرى قازاقستانداعى 130 ۇلت وكىلىمەن قازاق حالقىنا العىسىن ايتۋ ءۇشىن باس قوسۋىنا تىلەكتەسپىن»، - دەدى يالچىن توپچۋ.
شارادا سونداي-اق قازاقستاننىڭ تۇركياداعى ەلشىسى ابزال ساپاربەك ۇلى دا ءسوز سويلەپ، ەكى ەل اراسىنداعى تاتۋلىق جايىن ءسوز ەتتى.
«قازىرگى تاڭدا تۇركيادا 20 مىڭنان استام قانداسىمىز ءومىر ءسۇرىپ جاتىر. 1930-جىلدارى كوشكەن وتانداستارىمىز بۇگىندە ەلدىڭ الەۋمەتتىك، ساياسي جانە ەكونوميكالىق ومىرىندە ماڭىزدى ءرول اتقارىپ وتىر. قازاق حالقىنا قامقور بولا بىلگەن تۇرىك حالقىنا العىسىم شەكسىز»، - دەدى ابزال ساپاربەك ۇلى.
