12:31, 06 - ناۋرىز 2019 | GMT +6
قازاقستان تاجىكستانعا اسكەري-تەحنيكالىق كومەك كورسەتپەك
استانا. قازاقپارات - ق ر پارلامەنت ءماجىلىسى «قازاقستان ۇكىمەتى مەن تاجىكستان ۇكىمەتى اراسىنداعى وتەۋسىز اسكەري-تەحنيكالىق كومەك كورسەتۋ تۋرالى كەلىسىمدى راتيفيكاتسيالاۋ تۋرالى» زاڭ جوباسى بويىنشا جۇمىستى باستادى، دەپ حابارلايدى قازاقپارات ءتىلشىسى.
«بۇل كەلىسىمنىڭ ماقساتى - قازاقستان رەسپۋبليكاسىنىڭ تاجىكستان رەسپۋبليكاسىنا اسكەري مۇلىكتى بەرۋ تۇرىندە وتەۋسىز اسكەري-تەحنيكالىق كومەك كورسەتۋ. وسى كەلىسىم اياسىندا اسكەري مۇلىكتىڭ ءتىزىمى، وق-دارىلەر، قاجەتتى قۇرالدار، ينجەنەرلىك جانە مەديتسينالىق جابدىقتار، مۇلىكتىڭ جەتكىزىلۋى ءتارتىبى، سونداي-اق تاراپتاردىڭ مۇلىكتى بەرۋمەن بايلانىستى مىندەتتەمەلەرى انىقتالادى»، - دەدى پالاتانىڭ حالىقارالىق ىستەر، قورعانىس جانە قاۋىپسىزدىك كوميتەتىنىڭ ءتوراعاسى مۇحتار ەرمان ءماجىلىستىڭ جالپى وتىرىسىندا.
وسى ورايدا ول كوميتەت اتالعان زاڭ جوباسىن جۇمىسقا الۋعا جانە ول بويىنشا 2019-جىلعى 25- جەلتوقسانعا دەيىنگى مەرزىمدە قورىتىندى ازىرلەۋگە دايىن ەكەنىن اتاپ ءوتتى.
