قازاقستاندىق ينۆەستورلارعا شياڭگاڭدا قانداي جەڭىلدىكتەر بەرىلەدى
ستيۆەن فيلليپس - ۇلى بريتانيا ازاماتى جانە گونكونگ ۇكىمەتىنىڭ مەملەكەتتىك قىزمەتشىسى. مۇنى سپيكەر گونكونگتەگى باسقارۋ جۇيەسىنىڭ بىرەگەيلىگى دەپ ءتۇسىندىردى.
«گونكونگ «ءبىر مەملەكەت - قوس جۇيە» ۇستانىمىن جۇزەگە اسىرىپ كەلەدى. مۇندا باسقارۋدىڭ وزگەشە جۇيەسى، وزگە زاڭنامالىق، اتقارۋ، سالىق جانە قارجى جۇيەلەرى قولدانىلادى. بۇگىندە گونكونگ ەكونوميكاسى قىتايعا قاراعاندا، ۇلى بريتانيا مەن اۋستراليا ەكونوميكاسىنا كوبىرەك ۇقسايدى. گونكونگ بريتاندىق پرەتسەدەنتتى قۇقىق ۇستانىمدارىنا نەگىزدەلگەن. وسىلايشا، گونكونگ ۇلى بريتانيا، كانادا، اۋسترالياداعى كونتراگەنتتەرىمەن جۇمىس ىستەپ، تاجىريبە جيناقتاعان قازاقستاندىق كومپانيالار ءۇشىن بارىنشا تۇسىنىكتى جانە اشىق»، - دەدى ستيۆەن فيلليپ.
ونىڭ ايتۋىنشا، گونكونگتىڭ ارنايى اكىمشىلىك اۋدانى قازىر الەمدەگى ليبەرالدى جانە ەركىن ەكونوميكالاردىڭ ءبىرى بولىپ وتىر.
«ەڭ الدىمەن، گونكونگتە قاراپايىم جانە تومەن سالىق سالۋ تاجىريبەسى جۇزەگە اسىرىلىپ كەلەدى. بىزدە سالىقتىڭ ەكى ءتۇرى بار: كورپوراتيۆتىك كىرىستەر مەن جەكە تابىس سالىعى. كومپانيانىڭ 250 مىڭ ا ق ش دوللارىنا دەيىنگى العاشقى تابىسىنا سالىناتىن سالىق % 8,25 بولسا، سودان كەيىن % 16,5 ستاۆكاسى قويىلادى. جەكە تابىس سالىعى دا تەگىس ەمەس، ۇدەمەلى، و ر ا ەسەپپەن حالىق % 5,7 تولەيدى. بىزدە اينالىمدىق نەمەسە جاناما سالىقتار جوق.
بىزدە ساتىلىم سالىعى، ق ق س، كاپيتالعا سالىناتىن سالىق، زەرتتەۋلەر مەن ديۆيدەندتەر جوق»، - دەدى اگەنتتىكتىڭ باس ديرەكتورى.
قازىرگى ۋاقىتتا گونكونگتە ەكونوميكانىڭ يننوۆاتسيالىق قۇراۋشىسى، قىزمەت كورسەتۋ سەكتورى، قارجى قىزمەتتەرى، كورپوراتيۆتىك قىزمەت كورسەتۋ جانە حالىق تۇتىناتىن تاۋارلارىن تاراتۋ سالالارى جولعا قويىلعان.
«بۇگىندە يننوۆاتسيالىق دامۋ سالاسىندا گونكونگ ۇكىمەتى باسىم سەكتورلاردى انىقتادى. ەڭ الدىمەن، جاساندى ينتەللەكت، بيوتەحنولوگيا، قارجى تەحنولوگيالارىن دامىتۋ مىندەتى تۇر. ءبىز بۇكىل الەمنەن وسى سالالاردا جوبالاردى جۇزەگە اسىرا الاتىن دارىندىلاردى شاقىرامىز. گونكونگ ۇكىمەتى وسى سالالاردى دامىتۋعا 10 ميللياردتان استام ا ق ش دوللارىن ءبولدى»، - دەدى ول.
اعا كەڭەسشى لەونيد ورلوۆتىڭ ايتۋىنشا، قازىرگى ۋاقىتتا گونكونگ پلاتفورماسىن «قازاق مىس» جانە «قازاقستان تەمىر جولى» ۇلتتىق كومپانيالارى ەنشىلەس كومپانيالارىمەن بىرگە پايدالانىپ وتىر.
ول بۇگىن «استانا» حالىقارالىق قارجى ورتالىعىنىڭ باسشىلىعىمەن، «قازپوشتا» ا ق جانە «سامۇرىق- قازىنا» قورىمەن كەزدەسۋ وتەتىنىن اتاپ ءوتتى.
«بىزگە گونكونگتا اقشا قاجەت ەمەس، رەسەيلىك تە، قازاقستاندىق دا قاراجات قاجەت ەمەس دەپ ايتا الامىن. گونكونگتە اقشا جەتكىلىكتى. ءبىز ءۇشىن گونكونگتە قۇرىلعان ينفراقۇرىلىمدى پايدالانۋ وتە ماڭىزدى. سەبەبى، كومپانيالار كەلىپ، وسى ينفراقۇرىلىمدى قولدانا باستاعان سوڭ، بىزدەگى جالپى ىشكى ءونىم ارتادى. ءبىزدىڭ ەكونوميكامىزدىڭ % 95 قىزمەت كورسەتۋ ەكونوميكاسى قۇرايدى. ءبىز تاۋار شىعارمايمىز، ءبىز تەك قىزمەتتەر جاسايمىز»، - دەپ ءتۇسىندىردى ول.
سونىمەن بىرگە، ستيۆەن فيلليپس گونكونگ ەكونوميكاسىنا ادامي رەسۋرس تارتۋ جۇمىستارى جونىندە ايتىپ بەردى.
«قازاقستان جاستارى ءۇشىن بۇل ۇلكەن مۇمكىندىك، سەبەبى الداعى 20 جىلدا گونكونگتە بىلىكتى جۇمىس كۇشى جەتىسپەيدى دەپ بولجانىپ وتىر، شامامەن جارتى ميلليون ادام قاجەت بولادى»، - دەپ اتاپ ءوتتى ول.
«بەلگىلى ءبىر تەحنولوگيالىق دارىنداردى تارتۋ بويىنشا باعدارلامالار بار. كۆوتالار جىل سايىن انىقتالادى. گونكونگتە جۇمىسسىزدىق اتىمەن جوق دەۋگە بولادى، سەبەبى مامانداردى تارتۋ باعدارلاماسىن شەكتەۋ تۋرالى ۇكىمەتكە قىسىم جاسالمايدى. ءبىزدىڭ كومپانيالار ۇنەمى اشىق جانە ماماندار ىزدەۋدى توقتاتپايدى»، - دەدى ستيۆەن فيلليپس.
ايجان سەرىكجان قىزى
